कोरोना विषाणू व्हायरसनंतर Corona Virus आता देशात काली बुरशी Black Fungus आणि पांढऱ्या बुरशीचे White Fungus प्रकार वाढत आहेत. कमकुवत रोगप्रतिकारशक्ती Immunity ही देखील बूरशीच्या वाढीस कारणीभूत आहे. अशा परिस्थितीत टीव्ही आणि इतर सोशल मिडियाच्या Social media माध्यमातून रोगप्रतिकरशक्ति वाढविण्यासाठी अनेक पदार्थाच्या जाहिराती आपण पाहत असतो. मात्र घरच्या घरीच रोगप्रतिकारशक्ति वाढविण्याचे अनेक मार्ग आहेत. (Drink basil, masala tea and boost the immune system)
यात आयुर्वेदिक काढा Ayurvedic extract आणि चहाचाही Tea यात समावेश होतो. खरतरं चहा मुळे आम्लपित्त, भूक मंदावणे अशा एक ना अनेक समस्या उद्भवतात. मात्र चहाचे काही प्रकार असे आहेत की जे तुमची रोग प्रतिकारशक्तीही वाढवू शकतात. तुळस Basil, अश्वगंधा Ashwagandha, मसाला चहा Masala tea आणि लेमन-टी Lemon Tea यांसारखे चहा तुमची रोगांविरूद्ध लढण्याची क्षमता वाढवते.
सेंट्रल इन्स्टिटय़ूट ऑफ मेडिसीनिकल अँड अॅरोमॅटिक प्लांट्स, लखनऊ येथील तज्ञ आशिष कुमार यांनी घरच्या घरी आयुर्वेदिक चहा कसा बनवायचा याबाबत सांगितले आहे. इतकेच नव्हे तर त्याचे अनेक फायदेही सांगितले आहेत.
तुळशीची ताजी पाने, वाळलेली पाने किंवा पावडर देखील तुळशीच्या पानांचा चहा बनवण्यासाठी वापरता येतो. तुळशीचा चहामुळे कफ, खोकला, सर्दी, दमा किंवा ब्राँकायटिसपासून आराम मिळतो. तुळशीच्या चहामध्ये कफ आणि श्लेष्मापासून मुक्त होणारे घटक असतात. तसेच, एंटीसेप्टिक, अँटीऑक्सिडंट आणि बॅक्टेरियाच्या वाढीस प्रतिबंध करणारे गुणधर्म असतात.
तुळशीचा चहा बनवण्यासाठी प्रथम एक ग्लास पाणी उकळा आणि त्यात तुळशीची 8 ते 10 पाने घाला. तुम्हाला हवे असल्यास थोडेसे आले आणि वेलची पूडदेखील घालू शकता. ते 10 मिनिटे उकळी येऊ द्या, नंतर गाळणीने गळून घ्या. त्यात हवे असल्यास मध किंवा लिंबाचा रस घाळून प्या. तुळस चहामध्ये दूध किंवा साखर घालू नका, असे केल्यास त्यातील औषधी गुणधर्म कमी होतात.
अश्वगंधा एक औषधी वनस्पती असून तिच्या मुळांचा उपयोग चहा बनवण्यासाठी केला जातो. परंतु अलीकडच्या कळत अशवगंधाच्या पानांच्या चहाचे प्रचलन वाढले आहे. आयुर्वेदानुसार अश्वगंधाच्या मुळापासून किंवा पानातून बनविलेला चहा पिण्यामुळे रोगांविरूद्ध लढण्याची क्षमता बळकट होते. अश्वगंधाच्या मुळात अँटीऑक्सिडंट, अँटीवेनम, अँटीइन्फ्लेमेटरी आणि अँटीट्यूमर गुणधर्म असतात.
अश्वगंधा चहा बनवण्यासाठी अश्वगंधा मुळ, मध आणि लिंबू आवश्यक आहे. एक ग्लास पाण्यात एक इंच लांब अश्वगंधाचे मूळ उकळा. पाणी उकळल्यावर ते एक कपात गाळून घ्या. त्यात चवीनुसार एक चमचा मध आणि लिंबाचा रस घाला. अश्वगंधा चहा सर्व लहान मुले, वृद्ध आणि स्त्रियांसाठी फायदेशीर आहे.
लिंबाच्या चहामध्ये अँटीऑक्सिडेंट आढळतात. हे जळजळ, बॅक्टेरिया आणि व्हायरल इन्फेक्शनपासून बचाव करते. चहाची पाने, लिंबाचा रस आणि साखर मिसळून लिंबू-चहा तयार केला जातो. लिंबू केवळ चव वाढवतच नाही तर रंगही बदलतो. लिंबाच्या चहामध्ये व्हिटॅमिन-सी जास्त प्रमाणात असल्यामुळे रोगांशी लढण्याची आणि संसर्गाशी लढण्याची क्षमता वाढते. सर्दी, खोकला, डोकेदुखी आणि खोकला असल्यास लेमनती घेतल्यास आराम मिळतो. लिंबाच्या गवताच्या पानांपासूनही लिंलेमन-टी तयार करता येतो.
जर आपल्याला चहाचा आवड असेल तर आपल्यासाठी मसाला चहा हा एक चांगला पर्याय आहे. मसाला चहा तुम्हाला निरोगू ठेवेल आणि तुमची चहाची आवश्यकता देखील पूर्ण करेल. मसाला चहा बनवणे खूप सोपे आहे आपण चहाची पाने आणि दुधाच्या उकळत्या पाण्यात मिरपूड, आले, तुळस, दालचिनी, छोटी वेलची, मोठी वेलची, लवंगा, जायफळ घालून मसाला चहा बनवू शकता.
Edited By- Anuradha Dhawade
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.