प्रसिध्द कॅामेडीयन स्टार राजू श्रीवास्तव यांची प्रकृती बिघडली; दिल्लीतील एम्स रूग्णालयात केलं दाखल

मुंबई: प्रसिध्द स्टॅडअप कॅामेडीस्टार अशी ख्याती असणारे राजू श्रीवास्तव (Comedian star Raju Srivastava) यांची प्रकृती अचानक बिघडली आहे. मिळालेल्या माहीतीनुसार आज सकाळी जिममध्ये वर्कआऊट करत असताना तब्येत बिघडली असून त्यांना तातडीने रूग्णालयात दाखल करण्यात आले आहे.

राजू श्रीवास्तव आज सकाळी नेहमीप्रमाणे जिम मध्ये गेले यावेळी वर्कआऊट करत असताना त्याची प्रकृती बिघडली. दरम्यान वर्कआऊट करताना ते ट्रेडमिलवरून खाली पडले आणि बेशुध्द झाले तेव्हा त्यांना ताबडतोब दिल्लीतील एम्स रूग्णालयातIIMS Hospital) हलवण्यात आले. सुत्राच्या माहितीनुसार सध्या त्याच्यावर उपचार सुरू असून त्याची तब्येत ठीक असल्याचं समजत आहे.

पाहा व्हिडीओ -

राजू श्रीवास्तव यांच्या बातमीमुळे त्याच्या चाहत्यामध्येही निराशा पसरली आहे. श्रीवास्तव हे लोकप्रिय कॅामेडीस्टार आहेत. त्यांनी अनेक सिनेमा, मालिकांमध्ये त्यांच्या हटक्या विनोदी शैलीने प्रेक्षकांचे मनोरंजन केले आहे. अनेक दिग्गज मंडळीच्या नक्कल करून त्यांनी लोकप्रियता मिळवली आहे. त्यांचा मोठा चाहतावर्ग आहे. याशिवाय उत्तर प्रदेश चित्रपट विकास परिषदेचे ते अध्यक्ष आहेत.