Top 10 Worse Marathi Movies In 2024 : मराठीतील 'या' चित्रपटांनी २०२४ मध्ये केला प्रेक्षकांचा भ्रम निरास

Top 10 Worse Marathi Movies In 2024 : २०२४ या वर्षी तब्बल १०० हुन अधिक मराठी चित्रपट थिएटरमध्ये प्रदर्शित झाले. त्यातील 'नाच गं घुमा' सारख्या चित्रपटांचे भरभरून कौतुक झाले करण्यात आले पण काही असे चित्रपट देखील होते जे प्रेक्षकांना मुळीच आवडले नाही. या चित्रपटांकडून प्रेक्षकांनी अनेक अपेक्षा होत्या पण त्यांचा भ्रम निरास झाला असून येत्या २०२५ मध्ये येणाऱ्या चित्रपटांकडून प्रेक्षकांच्या अपेक्षा आहेत. जाणून घेऊनयात यातील कोणते चित्रपट आहेत ज्यांनी प्रेक्षकांचा भ्रम निरास केला आहे.

यावर्षीच्या सगळ्यात वाईट चित्रपटांच्या यादीत सगळ्यात पहिल्या क्रमांकावर आहे गौतमी पाटीलचा 'मूषक आख्यान' चित्रपट. हा चित्रपट ८ नोव्हेंबर रोजी प्रदर्शित झाला होता. या चित्रपटात अभिनेते मकरंद अनासपुरेची मुख्य भूमिका होती. पण मकरंद अनासपुरे यांच्या कारकिर्दीतील हा अत्यंत वाईट चित्रपट असल्याचं बोलण्यात येत आहे.

त्यानंतर अभिनेता शरद केळकर याचा 'रानटी' हा ऍक्शन मुव्ही प्रेक्षकांना पसंतीस उतरला नाही. या चित्रपटासाठी दशकातील सगळ्यात मोठा ऍक्शन चित्रपट अशी जाहिरात करण्यात आली होती. हा चित्रपट कथानकात मार खाऊन गेल्याचे समीक्षक म्हणाले.

मृणाल उलकर्णी, अश्विनी भावे', श्रुती मराठे मुख्य भूमिके यांच्या मुख्य भूमिका असलेला गुलाबी हा चित्रपट फ्लॉप ठरला होता. चांगला मुद्दा, चांगले कलाकार असूनही कथानकात मार खाल्याने हा चित्रपट फ्लॉप ठरल्याचे बोलले जाते हा चित्रपट २२ नोव्हेंबर रोजी प्रदर्शित झाला होता.

त्यानंतर २००४ साली आलेल्या नवरा माझा नवसाचा या चित्रपटाचा दुसरा भागही प्रेक्षकांना आवडला नाही. सचिन पिळगावकर, स्वप्नील जोशी यांच्या 'नवरा माझा नवसाचा' या चित्रपटाने बॉक्स ऑफिसवर चांगली कमाई केली असली तरी चित्रपट प्रेक्षकांच्या पसंतीस उतरला नाही. 'नवरा माझा नवसाचा' च्या आठवणी मनात घेऊन चित्रपट पहायला गेलेल्या प्रेक्षकांना या चित्रपटाने निराश केले.

या यादीत शेवटच्या क्रमांकावर आहे स्वप्नील जोशी याचा 'बाई गं'. सहा पत्नीचा एक नवरा दाखवण्याच्या नादात हा चित्रपट चांगलाच गंडला. हा चित्रपट थिएटर मध्ये पाहणाऱ्यांनी या चित्रपटाला वाईटच म्हटलं होतं.