Pathaan Box-Office Collection: 'पठान' लवकरच १००० कोटी करणार पार, याआधी कोणत्या चित्रपटांनी केली अशी दमदार कमाई

Shahrukh Khan: शाहरुख खानचा 'पठान' चित्रपट बॉक्स ऑफिसवर दमदार कमाई करत आहे. लवकरच हा चित्रपट १००० कोटींचा टप्पा पार करेल, असे मत व्यक्त केले जात आहे. ट्रेड विश्लेषक रमेश बाला यांनी माध्यमांना दिलेल्या मुलाखतीमध्ये सांगितले की, जसे यश 'पठान' चित्रपटाला मिळत आहे ते पाहता हा चित्रपट लवकरच १००० कोटींचा आकडा पार करू शकतो. जाणून घेऊया कोणत्या चित्रपटांनी हा १००० कोटींचा आकडा पार केला होता.

२०१६मध्ये प्रदर्शित झालेला नितेश तिवारी दिग्दर्शित 'दंगल'(Dangal) हा एक स्पोर्ट्स-ड्रामा चित्रपट आहे. या चित्रपटाने बॉक्स ऑफिसवर १३५७ रुपयांची कमाई केली. या चित्रपटात आमिर खानसोबत साक्षी तन्वर, फातिमा सना शेख, सान्या मल्होत्रा ​​आणि जायरा वसीम यांनी महत्त्वाच्या भूमिका साकारल्या होत्या.

एसएस राजामौली यांचा बाहुबली(Baahubali) द कन्क्लूजन २०१५ मध्ये प्रदर्शित झाला होता. बॉक्स ऑफिसवर धुमाकूळ घालणारा हा चित्रपट आजही अनेकजण आवडीने पाहतात. या चित्रपटात प्रभास, राणा डग्गुबती, तमन्ना भाटिया आणि अनुष्का शेट्टी होते. या चित्रपटाने बॉक्स ऑफिसवर १७८८.०६ कोटींची कमाई केली.

२०२२ मध्ये, एसएस राजामौली दिग्दर्शित ब्लॉकबस्टर चित्रपट RRR ने बॉक्स ऑफिसवर रेकॉर्ड ब्रेकिंग कामगिरी केली. राम चरण आणि जूनियर एनटीआरच्या चित्रपटाने जगभरातील बॉक्स ऑफिसवर ११५० कोटींहून अधिक कमाई केली.

प्रशांत नीलचा २०२२मध्ये प्रदर्शित झालेला चित्रपट KGF 2 देखील बॉक्स ऑफिसवर ब्लॉकबस्टर ठरला होता. साऊथ स्टार यशच्या या चित्रपटाने जागतिक स्तरावर १२०० कोटींहून अधिक कमाई केली. या चित्रपटात संजय दत्त, रवीना टंडन, श्रीनिधी शेट्टी, प्रकाश राज यांच्या प्रमुख भूमिका साकारल्या होत्या.

शाहरुख खानचा 'पठान' चित्रपट २५ जानेवारीला प्रदर्शित झाला आहे. चित्रपटाने प्रदर्शित होताच बॉक्स ऑफिसवर धुमाकूळ घालता आहे. भारतसह जगभरात हा चित्रपट यशस्वी ठरला आहे. 'पठान' चित्रपटाने अवघ्या ८ दिवसात वर्ल्ड वाईड बॉक्स ऑफिसवर ६७० कोटींचा गल्ला जमावाला आहे.