Sharad Kapoor : 'घरी बोलावलं अन्...' शरद कपूरवर रील स्टारकडून लैंगिक अत्याचाराचा आरोप, गुन्हा दाखल

शरद कपूर (Sharad Kapoor) विरोधात लैंगिक छळाचा गुन्हा दाखल करण्यात आला आहे. गोरेगाव येथील एका रीलस्टार तरुणी ही तक्रार पोलीसांना केली आहे. या गुन्ह्याची तक्राराल बुधवारी रात्री करण्यात आली.

तक्रार करणारी तरुणीचे प्रॉडक्शन हाऊस असून ती रीलस्टार आहे. तिचा सोशल मीडियावर चाहता वर्ग आहे. तिने शरद कपूरच्या विरोधात तक्रार दाखल केली आहे. तिने तक्रारीत म्हटलं की, "अभिनेता शरद कपूर तिला गेल्या तीन महिन्यांपासून फेसबुकवर मेसेज करत आहे. यांनी २६ नोव्हेंबरला व्हिडीओ कॉल आला. यात शरद कपूर यांनी तिच्या सोबत काम करण्याची इच्छा व्यक्त केली. त्याने तिला इंस्टाग्राम आणि फेसबुकवर पाहिले होते. कामासंबंधित बोलण्यासाठी त्याने तिला त्याचे ऑफिसमध्ये बोलावले. त्यासाठी आपला मोबाइल नंबर पत्ता दिला. तेव्हा त्या पत्त्यावर ती तरुणी पोहचली. तेव्हा तिला समजले की, ते ऑफिस नसून त्याचे घर होते. "

पुढे तिने तक्रारीत म्हटलं की , "रीलस्टार तरुणीला शरद कपूरने अश्लील फोटो आणि काही लिंकही पाठवल्या होत्या. तसेच एक व्हॉईस नोटही पाठवली. त्या व्हॉईस नोटमध्ये खूप घाण भाषा वापरण्यात आली. "

दुसरीकडे शरद कपूरने हे सर्व आरोप खोटे असल्याचे सांगितले आहे. तो म्हणाला की, मी कथित घटनेवेळी न्यूयॉर्कमध्ये होतो. मी असे चुकीचे काम करत नाही. तसेच मी या तरुणीला ओळखत नाही. तसेच त्यांनी लैंगिक छळाचा आरोपही फेटाळला आहे.

पोलिसांनी अजूनही शरद कपूरला अटक केली नसून चौकशीसाठी हजर राहण्यास सांगणारी नोटीस पाठवली आहे. असे पोलिसांनी सांगितले. शरद कपूरने अनेक चित्रपटात काम केले आहे. यात जोश, लक्ष्य, दस्तक या चित्रपटांचा समावेश आहे.