आलिया भट्टचा व्हिडीओ पाकिस्तानमध्ये झळकला; जाणून घ्या प्रकरण

मुंबई : अभिनेत्री आलिया भट्ट (Alia Bhatt) हिचा 'गंगूबाई काठियावाडी' हा सिनेमाला भारतासहित जगभरातील लोकांनी पसंती दर्शवली. या सिनेमातील काही दृष्यामुळे वाद-विवादही झाले. 'गंगूबाई काठियावाडी' या सिनेमात आलिया भट्टने गंगूबाई या पात्राची भूमिका साकारली आहे. या सिनेमात वैश्यांची संघर्षाची कहाणी मांडण्यात आली आहे. हा सिनेमा मोठ्या पडद्यावर प्रदर्शित होऊन बरेच महिने लोटले आहेत. दरम्यान, 'गंगूबाई काठियावाडी' या सिनेमावरून पाकिस्तातून (Pakistan) एक बातमी समोर आली आहे. ( Alia bhatt news In Marathi )

पाकिस्तानात एका रेस्तराँमध्ये ग्राहकांना बोलवण्यासाठी 'गंगूबाई काठियावाडी' या सिनेमातील एका दृष्याचा आधार घेतला आहे. 'स्विंग्स' रेस्तराँकडून थेट गंगूबाई या पात्रातील आलिया भट्टचा फोटो आणि व्हिडीओचा गैरवापर करण्यात आला आहे. हा व्हिडीओ सोशल मीडियावर व्हायरल झाला आहे. त्या सिनेमात गंगूबाईची भूमिका साकारणारी आलिया भट्ट ग्राहकांना इशारा देऊन बोलावते, त्या दृष्याचा आधार पाकिस्तानात एका रेस्तराँने घेतला आहे. तसेच 'गंगूबाई काठियावाडी' सिनेमातील दृश्याचा हा व्हिडीओ देखील रेस्तराँच्या इन्स्टाग्राम अकाउंटवर शेअर केला आहे.

तसेच रेस्तराँच्या मुख्य प्रवेशद्वारावर एक पोस्टर लावण्यात आले आहे. या पोस्टरवर लिहिण्यात आले आहे की,' ये ना रे राजा, का वाट पाहत आहेस ? सर्व राजांना आवाज देत आहे. या राजांनो सोमवारी पुरुषांना २५ टक्के सूट आहे. त्याचा लाभ घ्या'. रेस्तराँ मालकाची मार्केटींग स्ट्रॅटेजी त्यांनाच महागात पडली आहे. सोशल मीडियावर पाकिस्तानातील रेस्तराँला प्रचंड ट्रोल करण्यात येत आहे. ट्रोल करताना एका नेटकऱ्याने लिहिले आहे की, 'तुम्ही तुमच्या रेस्तराँच्या मार्केटिंगसाठी एका सिनेमाचं दृश्य कसं वापरू शकता ?,