मुंबई - अभिनेत्री मुक्ता बर्वेची (Mukta Barve) मुख्य भूमिका असलेल्या वाय या चित्रपटाचा ट्रेलर नुकताच प्रदराशीत झाला आहे. येत्या २४ जून रोजी हा चित्रपट प्रदर्शित होणार आहे. वाय या शब्दामागे खूप मोठा अर्थ दडलेला आहे. या चित्रपटाचे दिग्दर्शन अजित सूर्यकांत वाडीकर यांनी केले आहे. प्रेक्षकांना ही संकल्पना मराठीत पहिल्यांदाच पाहायला मिळणार आहे. मुक्ता बर्वेने देखील या चित्रपटाचा ट्रेलर आपल्या सोशल मीडियावर पोस्ट केला आहे. ती’चा लढा 'ती'च्या अस्तित्वासाठी कारण, भीतीपेक्षा मोठे कर्तव्य आहे असे कॅप्शन तिने या पोस्टला दिले आहे. (Latest Marathi Movie)
या चित्रपटात मुक्ता बर्वे ही एका शासकीय अधिकाऱ्याच्या भूमिकेत झळकणार आहे. ती कार्यरत असलेल्या क्षेत्रात काही धक्कादायक गोष्टी घडत आहेत. या घटना दर महिन्याच्या शेवटच्या शुक्रवारी का घडत असल्याचे ट्रेलरमध्ये दिसून येत आहे. या घटनांमागे काही दृश्य आणि अदृश्य हात आहेत; ज्यातील काही मदतीसाठी आहेत तर काही घात करणारेही आहेत. या सर्व गोष्टींचा शोध घेताना मुक्ता दिसत आहे.
यात तिला यश मिळणार की तिचा हा शोध अपूर्णच राहणार ? या सगळ्या प्रश्नांची उत्तरे ‘वाय’ हा चित्रपट पाहिल्यावर मिळणार आहे. मुक्तासोबत या चित्रपटात प्राजक्ता माळी, ओमकार गोवर्धन, रसिका चव्हाण,नंदू माधव, सुहास शिरसाट, संदीप पाठक अशा कलाकारांसोबत आदी कलाकार झळकणार आहे. या चित्रपटाचा ट्रेलर पाहून चाहत्यांना या चित्रपटाची जास्तच उत्सुकता लागली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.