Kim Sae Ron Death : प्रसिद्ध अभिनेत्रीचा संशयास्पद मृत्यू, राहत्या घरात आढळला मृतदेह

Kim Sae Ron : किम से-रॉन या दक्षिण कोरियन अभिनेत्रीचा मृत्यू झाला आहे. राहत्या घरामध्ये तिचा मृतदेह आढळल्याची माहिती उघडकीस आली आहे. किम तिच्या मैत्रिणीच्या फोन, मेसेज यांना प्रतिसाद देत नव्हती. तिच्या मैत्रिणीने पोलिसांना याबाबतची माहिती दिली. पुढे आपत्कालीन सेवेतील अधिकारी किमच्या घरी पोहोचले. त्यावेळेस त्यांना किम मृतावस्थेमध्ये आढळली.

किमच्या घरामध्ये जबरदस्तीने प्रवेश केल्याच्या कोणत्याही खुणा आढळल्या नसल्याची माहिती पोलिसांनी दिली आहे. किम से-रॉनच्या मृत्यूचे खरे कारण निश्चित करण्यासाठी पोलिसांनी तपास करायला सुरुवात केल्याची माहिती दक्षिण कोरियातील कोरिया हेराल्डने या वृत्तपत्राने दिली आहे. या घटनेमुळे किमचे चाहते शोकाकुल झाले आहेत.

किम से-रॉन या २६ वर्षीय दक्षिण कोरियन अभिनेत्रीचा मृतदेह तिच्या घरात आढळला आहे. किमचा जन्म ३१ जुलै २००० रोजी झाला होता. वयाच्या नवव्या वर्षी तिने अभिनय क्षेत्रात पदार्पण केले. तिने 'अ ब्रँड न्यू लाइफ' (२००९) आणि 'द मॅन फ्रॉम नोव्हेअर' (२०१०) या गाजलेल्या कोरियन चित्रपटांमध्ये काम केले होते.

करियरच्या सुरुवातीला मिळालेल्या यशानंतर, किमला वैयक्तिक आणि व्यावसायिक आव्हानांचा सामना करावा लागला. एका हाय प्रोफाईल ड्रंक एन्ड ड्राइव्ह केसमध्ये तिचा समावेश होता. या प्रकरणावरुन तिने जाहीर माफी देखील मागितली होती. त्यानंतर तिला आर्थिक अडचणींदेखील सामोरे जावे लागले होते. 'Bloodhounds' या नेटफ्लिक्सच्या सीरीजमध्ये ती झळकली होती.