Baipan Bhari Deva Film Collection : केदार शिंदे दिग्दर्शित 'बाईपण भारी देवा' चित्रपट सध्या बॉक्स ऑफिसवर चांगलीच कमाई करत आहे. बायकांच्या आयुष्यावर आधारित चित्रपटाने अनेक चित्रपटांचे रेकॉर्ड मोडलं आहे. 'बाईपण भारी देवा' चित्रपटाचा तिसऱ्या आठवड्यातही कमाईचा आलेख उंचावला आहे.
'बाईपण भारी देवा' चित्रपट ३० जूनला प्रदर्शित झाला होता. चित्रपट प्रदर्शित होऊन अजून तीन आठवडेही पूर्ण झालेले नाही. १७ दिवसांतच चित्रपटाने बॉक्स ऑफिसवर पन्नास कोटींचा गल्ला गाठला आहे.या वर्षीचा सर्वाधिक कमाई करणारा हा पहिला मराठी चित्रपट ठरला आहे. बाईपण भारी देवाने बॉक्स ऑफिसवर तर कमाई केली आहेच परंतु प्रेक्षकांच्या मनावरही राज्य केलं आहे.(Latest Entertainment News In Marathi)
'बाईपण भारी देवा' चित्रपटाला प्रेक्षकांनी चांगला प्रतिसाद दिला आहे. प्रत्येक स्त्री या चित्रपटाला स्वतः च्या आयुष्याशी रिलेट करते. सहा बहिणींच्या आयुष्यावर आधारित चित्रपटाला स्त्रियांनी खूप गर्दी केली. चित्रपटाला अजूनही प्रेक्षक उत्तम प्रतिसाद देत आहे.
'बाईपण भारी देवा' चित्रपटाला प्रेक्षकांनी डोक्यावर घेतले आहे. चित्रपटाने पहिल्याच दिवशी बॉक्स ऑफिसवर ६.१० करोडची कमाई केली.चित्रपटाने पहिल्या आठवड्यात बॉक्स आफिसवर १३.५० कोटींची कमाई केली. तर दुसऱ्या आटवड्यात चित्रपटाने दुप्पटीने म्हणजेच २६.१९ कोटींची कमाई केली.
'सॅकनिल्क'च्या अहवालानुसार, 'बाईपण भारी देवा' चित्रपटाला अजून तीन आठवडेही पूर्ण झाले नाही. तरी चित्रपटाने ५० कोटींची कमाई केली आहे. रविवारी १६ जुलैला एकाच दिवशी चित्रपटाने ५ कोटींची कमाई केली. चित्रपटाने आतापर्यंत ५४.७७ कोटींची कमाई केली आहे.
चित्रपटाची कमाई पाहता चित्रपट अजूनही खूप कमाई करेल अशी अपेक्षा व्यक्त केली जात आहे. चित्रपटाचे दिग्दर्शक केदार शिंदे नेहमीच चित्रपटाच्या कमाईबद्दल माहिती सोशल मीडियावर शेअर करत असतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.