Nanded Crime News : गावठी पिस्टल, दोन जिवंत काडतूससह युवकास अटक

- संजय सूर्यवंशी

Nanded :

नांदेड येथे गावठी पिस्टल मोठ्या प्रमाणात आढळून येतं आहे. पाेलिसांच्या कारवाईत सातत्याने शस्त्र साठा आणि विक्री हाेत असल्याचे दिसून येत आहे. बुधवारी (ता. 27 मार्च) उपविभागीय पोलिस अधिकारी यांच्या पथकाने एका इसमाला गावठी पिस्टल आणि दोन जिवंत काडतूससह ताब्यात घेतले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ग्रामीण पोलिस ठाण्याच्या हद्दीत डीवायएसपी सुशीलकुमार नायक यांच्या पथकाने ही कारवाई केली. सुशील गावखोरे असं अटक करण्यात आलेल्या आरोपीच नाव आहे. सिडको भागातील कॅन्सर हॉस्पिटलच्या पाठीमागे एका इसमाकडे गावठी पिस्टल असल्याची माहिती डीवायएसपी सुशीलकुमार नायक यांना मिळाली हाेती. (Maharashtra News)

त्यानंतर पथकाने छापा टाकत या इसमास ताब्यात घेतले. अंगझडती घेतल्यानंतर त्याच्या जवळ एक गावठी पिस्टल आणि दोन जिवंत काडतूस आढळून आले. दरम्यान या प्रकरणी ग्रामीण पोलिस ठाण्यात गुन्हा दाखल करण्यात आला आहे.

Edited By : Siddharth Latkar