Gondia Crime News : युवकाच्या हत्येप्रकरणी गाेंदियातील तिघांना अटक, रामनगर पाेलीसांची कारवाई

- शुभम देशमुख

Gondia Crime News:

दुचाकीला कट मारल्याच्या कारणावरून झालेल्या वादात तिघांनी अर्पित ऊर्फ बाबू ओमप्रकाश उके (२३) रा. आंबाटोली या तरुणाला धारदार शस्त्राने भोसकून ठार केल्याची घटना दिवाळीच्या पहिल्या दिवशी घडली हाेती. या प्रकरणाताल तीन संशयितांना पाेलीसांनी अटक केली आहे. (Maharashtra News)

पाेलीसांकडून मिळालेल्या माहितीनूसार अर्पित ऊर्फ बाबु ओमप्रकाश उके हा पाल चौक गुरुद्वारा रस्त्याने जात असताना चायशाय बार समोर मोटारसायकलने कट मारल्याच्या कारणावरून त्याचा संशयितांसमवेत वाद झाला. हा वाद इतका विकोपाला गेला की यामध्ये चाकूने सपासप वार करून अर्पित ऊके याची हत्या करण्यात आली.

त्यानंतर संशयितांनी घटनास्थळावरुन पळ काढला. रामनगर पोलिसांनी त्यांच्या शोधात पथके रवाना केली होती. रामनगरच्या गुन्हे प्रकटीकरण पथकाने तिघांना अटक केली आहे. पाेलीसांकडून मिळालेल्या माहितीनूसार हर्ष वाघमारे, अंकज राणे, प्रवीण मुटकुरे असे अटकेतील संशयितांची नावे आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar