Dombivli News : डोंबिवलीतील तिघा युवकांना लागला ''मोक्का''

- अभिजित देशमुख

Kalyan News :

सराईत गुन्हेगारांवर अंकुश लावण्यासाठी डोंबिवली पोलिसांनी कठोर पाउले उचलली आहेत . डोंबिवलीत दहशत पसरवणाऱ्या तीन सराईत गुन्हेगारांवर डोंबिवली पोलिसांनी (dombivli police) मोक्का अंतर्गत कारवाई केली. डोंबिवलीचे एसीपी सुनील कुराडे यांच्या मार्गदर्शनाखाली ही कारवाई करण्यात आली आहे. अक्षय अहिरे, सनी तुसांबड, सागर चव्हाण असे मोक्का अंतर्गत कारवाई झालेल्यांची नावे आहेत. (Maharashtra News)

पाेलिसांनी दिलेल्या माहितीनूसार अक्षय अहिरे याच्या विरोधात साेन साखळी चाेरी, मोबाईल चोरी, घरफोडी, हाणामारी असे तब्बल 16 गुन्हे दाखल आहेत. अक्षयच्या विरोधात पोलिसांनी तडीपारीची कारवाई केली होती. मात्र त्यानंतर ही अक्षय तडीपारीचे आदेशाचे उल्लंघन करताना आढळला.

ताे टिळक नगर व डोंबिवली पोलीस ठाण्याच्या हद्दीत गंभीर स्वरूपाचे गुन्हे करताना आढळून आला होता. अखेर पोलिसांनी सराईत गुन्हेगार अक्षय अहिरे व त्याच्या दोन साथीदारांवर मोक्कांतर्गत कारवाई केली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

Edited By : Siddharth Latkar