New Rules From Today: टॅक्स, पेन्शन ते LPG गॅसच्या किंमती; आजपासून ६ नियम बदलले

डिसेंबर महिन्याला सुरुवात झाली आहे. २०२५ च्या शेवटच्या महिन्यात अनेक नियम बदलले आहेत. पैशासंबंधित नियमांमध्ये बदल झाल्यामुळे सर्वसामान्यांच्या खिशावर थेट परिणाम होणार आहे. पेन्शनपासून ते एलपीजी गॅसच्या किंमती बदलल्या आहेत. यामुळे सर्वसामान्यांपासून ते निवृत्त कर्मचाऱ्यांच्या आयुष्यावर थेट परिणाम होणार आहे. आजपासून या ६ नियमांमध्ये बदल झाले आहेत.

LPG गॅसच्या किंमती घसरल्या (LPG Gas Price Decrease)

आज एलपीजी गॅसच्या किंमती घसरल्या आहेत. व्यावसायिक गॅसच्या किंमतींमध्ये जवळपास १० रुपयांची कपात झाली आहे. ऑक्टोबरमध्ये ही किंमत वाढली होती. दरम्यान आजपासून १९ किलो वजनाच्या एलपीजी गॅसची किंमत १५८०.५० रुपये झाली आहे. घरगुती गॅसच्या किंमतीत कोणताही बदल झालेला नाही.

ATF च्या दरात बदल

दर महिन्याच्या १ तारखेला एलपीजी गॅसच्या किंमती अपडेट होतात. तसेच हवाई इंधन आणि एअर टर्बाइन फ्यूएलच्या किंमतीदेखील जारी केल्या जातात. १ डिसेंबरपासून या किंमती बदल्याचा थेट परिणाम हवाई वाहतूकीवर होणार आहे. याचसोबत आज सीएनजी- पीएनजीच्या दराबाबतही घोषणा होण्याची शक्यता आहे.

UPS ची डेडलाइन

सरकारी कर्मचाऱ्यांसाठी महत्त्वाची बातमी आहे. सरकारी कर्मचाऱ्यांना यूपीएस पेन्शन निवडण्यासाठी ३० नोव्हेंबरपर्यंतची मुदत होती. त्यामुळे आजपासून त्यांनी यूपीएस पेन्शन स्कीम निवडता येणार नाही.

लाइफ सर्टिफिकेट

डिसेंबर महिन्यात पेन्शनसंबंधित नियमांमध्येही बदल झाले आहेत. पेन्शनधारकांना ३० नोव्हेंबरपर्यंत लाइफ सर्टिफिकेट जमा करणे अनिवार्य होते. अन्यथा तुम्हाला पेन्शन मिळणार नाही.

टॅक्ससंबंधित नियम (Tax Rules)

टॅक्ससंबंधितही नियमांमध्ये बदल केले आहे. जर ऑक्टोबरमध्ये तुमचा टीडीएस कापला असेल तर सेक्शन 194-IA, 194-IB, 194M आणि 194S अंतर्गत स्टेटमेंट जमा करावे लागणार होते. यासाठीही ३० नोव्हेंबरची डेडलाइन होती.

बँकांना सुट्ट्या (Bank Holidays December 2025)

रिझर्व्ह बँकेने डिसेंबर महिन्यातील सुट्ट्यांची यादी जाहीर केली आहे. डिसेंबर महिन्यात १७ दिवस बँका बंद राहणार आहे. वेगवेगळ्या राज्यांमध्ये सणावारानुसार सुट्ट्या असणार आहे.