Retirement Planning: EPF, NPS की PPF; कोणत्या योजनेत मिळणार सर्वाधिक परतावा? कॅल्क्युलेशन वाचा

प्रत्येकजण आपले भविष्य आर्थिकदृष्ट्या सुरक्षित व्हावे, यासाठी पगारातील काही ठरावीक रक्कम बाजूला काढून ठेवतात. परंतु ही रक्कम जर तुम्ही एखाद्या चांगल्या योजनेत गुंतवली तर तुम्हाला त्याचे चांगले व्याजदर मिळते. सरकारी योजनांमध्ये जर गुंतवणूक केली तर तुम्हाला खूप फायदा होईल. सेवानिवृत्तीनंतर तुम्हाला चांगला परतावादेखील मिळणार आहे. यासाठी तुमच्याकडे नॅशनल पेन्शन सिस्टीम, पब्लिक प्रोव्हिडंट फंड आणि एम्प्लॉय प्रोव्हिडंट फंड (ईपीएफ) हे चांगले पर्याय आहेत. कोणती योजना तुमच्यासाठी बेस्ट आहे ते जाणून घ्या.

ईपीएफ (EPF)

प्रायव्हेट क्षेत्रात काम करणारे कर्मचारी ईपीएफमध्ये गुंतवणूक करतात. त्यांच्या पगारातील काही रक्कम ते ईपीएफ खात्यात जमा करतात. तेवढेच पैसे नियोक्तादेखील जमा करतो. या योजनेत दर वर्षी व्याजदर बदलते. सध्या या योजनेत ८.२५ टक्के व्याजदर मिळते.

पीपीएफ (PPF)

तुम्ही पीपीएफ योजनेतदेखील गुंतवणूक करु शकतात. यामध्ये तुम्हाला सेवानिवृत्तीनंतर चांगला फंड मिळतो. या योजनेत तुम्ही १५ वर्षांसाठी गुंतवणूक करायची आहे. या योजनेत तिमाही आधारावर व्याजदर ठरवले जाते. या योजनेत तुम्हाला सध्या ७.१ टक्के व्याजदर मिळते. या योजनेच्या मॅच्युरिटीवरील रक्कमेवर टॅक्सदेखील लागत नाही.

एनपीएसमधील गुंतवणूक (NPS Investment)

नॅशनल पेन्शन सिस्टीम योजनेततुम्हाला चांगला परतावा मिळतो. एनपीएसमधील गुंतवणूक ही मार्केट लिंक्ड असते. यामध्ये तुम्ही जी गुंतवणूक करतात ती शेअर मार्केट, सरकारी सिक्युरिटीजमध्ये गुंतवणूक केली जाते. यामध्ये तुम्हाला चांगला परतावा मिळतो. सेवानिवृत्तीच्या वेळी तुम्हाला ६० टक्के रक्कम दिली जाते आणि उरलेली ४० टक्के रक्कमेतून तुम्हाला पेन्शन दिली जाते.