DA Hike: दिवाळीत सरकारी कर्मचाऱ्यांना डबल गिफ्ट मिळणार; महागाई भत्ता वाढणार

सरकारी कर्मचाऱ्यांसाठी अत्यंत महत्त्वाची बातमी आहे. सरकारी कर्मचाऱ्यांच्या महागाई भत्त्यात वाढ करण्यासाठी सरकार पाऊल उचलत आहे. लवकरच सरकारी कर्मचाऱ्यांच्या महागाई भत्त्यात वाढ होणार आहे. दरवर्षी दोनदा महागाई भत्ता वाढतो. दरम्यान, आया वर्षी एकदा महागाई भत्ता वाढला आहे त्यानंतर आता दुसऱ्यांदा महागाई भत्ता वाढवला जाणार आहे. याचसोबत अजून एक आनंदाची बातमी आहे. सरकारने आठव्या वेतन आयोगाबाबत मोठे पाऊल उचलले आहे.

कधी होणार महागाई भत्त्याची घोषणा? (DA Hike Annoucement Date)

सरकारी कर्मचाऱ्यांच्या महागाई भत्त्यात लवकरच वाढ केली जाणार आहे. ऑक्टोबर २०२५ मध्ये सरकार महागाई भत्त्यात वाढ करण्याची घोषणा करु शकते. सरकार महागाई भत्त्यात ३ टक्क्यांनी वाढ करण्याची शक्यता आहे. सध्या कर्मचारी आणि पेन्शनधारकांना ५५ टक्के महागाई भत्ता मिळत आहे. आता त्यात ३ टक्क्यांनी वाढ झाली तर हा महागाई भत्ता ८ टक्को होईल.

१.२ कोटी कर्मचाऱ्यांना होणार फायदा

महागाई भत्त्यात वाढ झाल्यावर त्याचा थेट फायदा कोट्यवधी कर्मचाऱ्यांना होणार आहे. सरकारी कर्मचाऱ्यांचा पगार थेट वाढणार आहे. दसरा आणि दिवाळीचा मूहूर्त साधत सरकार याबाबत घोषणा करु शकते.

वर्षाला दोनदा वाढतो महागाई भत्ता

वर्षभरात दोनदा महागाई भत्ता ठरवला जातो. एकदा जानेवारी जे जून या कालावधीसाठी आणि दुसऱ्यांदा जुलै ते डिसेंबर या कालावधीसाठी महागाई भत्ता ठरवला जातो. आता जून महिन्यात लागू होणारा महागाई भत्ता लांबणीवर गेला आहे. हा महागाई भत्ता ऑक्टोबर महिन्यात लागू होण्याची शक्यता आहे. याआधी जानेवारी-जून या कालावधीत महागाई भत्त्यात २ टक्क्यांनी वाढ झाली होती. त्यानंतर महागाई भत्ता ५५ टक्के झाला होता. यानंतर आता जुलै-डिसेंबर या कालावधीत महागाई भत्ता ३ टक्क्यांनी वाढण्याची शक्यता आहे.