Job At Google: बिहारच्या तरुणीला गूगलमध्ये ६० लाखांचं पॅकेज, कोणती पोस्ट, काय करणार काम?

प्रत्येक व्यक्तीला आपल्या करिअरमध्ये खूप यशस्वी व्हायचे असते. चांगली नोकरी, जास्त पगाराचे पॅकेज मिळवायचे अशी प्रत्येकाची इच्छा असते.त्यात सध्या आयटी सेक्टर मोठ्या प्रमाणात वाढत आहे. जगभरातील सर्वात मोठी सॉफ्टवेअर कंपनी गूगलमध्ये नोकरी करण्याची अनेकांची इच्छा असते. गूगल कंपनीत भागलपूर जिल्ह्यातील अलंकृता साक्षी या मुलीला नोकरी मिळाली आहे. वर्षाला ६० लाखांचे पॅकेज या मुलीला मिळाले आहे. (Who Is Alankrita Sakshi)

अलंकृता साक्षीला गूगल कंपनीत सॉफ्टवेअर इंजिनियर पदावर नोकरी मिळाली आहे. अलंकृता साक्षी ही मूळती भागलपुर जिल्ह्यातील सिमरा गावची होती. ती सध्या झारखंडमध्ये राहत आहे. मिळालेल्या माहितीनुसार, अलंकृता साक्षी हिने याआधी विप्रो, सॅमसंग यांसारख्या मोठ्या कंपनीत काम केले होते. अलंकृता साक्षीचे वडील झारखंडमध्ये एका प्रायव्हेट कंपनीत कामाला आहेत तर तिची आई शाळेत शिक्षिका आहे.अलंकृताचा नवरा मनीष कुमारदेखील सॉफ्टवेअर कंपनीत काम करत आहे.

अलंकृताचं शिक्षण

अलंकृता झारखंडमधील कोडरमामध्ये लहानाची मोठी झाली. तिने बारावीपर्यंतचे शिक्षण जवाहर नवोदय विद्यालयातून झालं आहे. तिने बी.टेकची पदवी घेतली. त्यानंतर बंगळुरुमधील विप्रो कंपनीत तिने काम केले. गुगलसारख्या मोठ्या कंपनीत नोकरी मिळाल्याने अलंकृताचे स्वप्न पूर्ण झाले आहे. तिच्या या यशाचं कुटुंबियांना खूप कौतुक आहे.