8th Pay Commission: आठव्या वेतन आयोगाबाबत महत्त्वाची अपडेट! कधीपर्यंत लागू होणार? वाचा सविस्तर

केंद्र सरकारने आठव्या वेतन आयोगाची घोषणा केली आहे. यानंतर आठवा वेतन आयोग कधी लागू होणार असा प्रश्न कर्मचारी विचारत आहे. आठवा वेतन आयोग लागू होण्यास अजून खूप वेळ लागू शकतो. आठव्या वेतन आयोगाची समिती अद्याप स्थापन झालेली नाही. समिती स्थापन झाल्यानंतर ८व्या वेतन आयोगात पगार कितीने वाढणार याचा निर्णय घेतला जाईल. त्यानंतर हा लागू केला जाईल.

दरम्यान, अजूनपर्यंत आठव्या वेतन आयोगासाठी समितीच स्थापन झालेली नाही. समिती स्थापन करण्याची प्रोसेस व्हायला अजून वेळ लागेल. दरम्यान, टर्म ऑफ रेफरन्सदेखील ठरवण्यात आलेले नाही. त्याच्या आधारावर आठवा वेतन आयोग लागू केला जातो.

या टर्म ऑफ रेफरन्समध्ये आठवा वेतन आयोग कोणत्या मुद्द्यांवर लागू केला जाणार याबाबत माहिती असते. जसे की, पेन्शन, भत्ता आणि वेतनामधील बदल याबाबत माहिती दिली जाते.दरम्यान, याबाबतचेही काम अजून सुरु झाले नाही.

आठवा वेतन आयोग लागू होण्यास किती वेळ लागणार? (8th Pay Commission Implementation Date)

नवीन वेतन आयोग लागू होण्यास २ ते ३ वर्षांचा कालावधी लागू शकतो. दरम्यान, याबाबत कोणतीही अधिकृत माहिती समोर आलेली नाही. ७ वा वेतन आयोग लागू करण्याच्या प्रोसेसलाही २-३ वर्षांचा कालावधी लागला होता. २०१४ मध्ये सातव्या वेतन आयोगाची घोषणा झाली होती. त्यानंतर नोव्हेंबर २०१५ मध्ये याबाबत रिपोर्ट सरकारला देण्यात आला. यानंतर २०१६ मध्ये सातवा वेतन आयोग लागू झाला. यामुळे आता हा नवीन आठवा वेतन आयोग लागू होण्यासही २-३ वर्षांचा कालावधी लागू शकतो.

कर्मचाऱ्यांचे नुकसान होणार नाही

आठवा वेतन आयोग लागू होण्यास अजून वेळ लागू शकतो. दरम्यान, याचा एरियर सरकारी कर्मचाऱ्यांना मिळणार आहे. त्यामुळे कर्मचाऱ्यांचे कोणतेही नुकसान होणार नाही.