जगाची झोप उडवणारा कोरोनाचा नवा 'व्हेरियंट' किती घातक?; ब्रिटन, चीनमध्ये थैमान

ब्रिटनसह अनेक युरोपीय देशांमध्ये कोरोना विषाणूचे नवीन प्रकार समोर आल्याने खळबळ उडाली आहे. ब्रिटनसह अनेक युरोपीय देशांमध्ये या नवीन प्रकारामुळे कोरोनाची प्रकरणे वाढली आहेत. ब्रिटनमध्ये गेल्या तीन दिवसांपासून या नवीन प्रकारामुळे कोरोनाची लागण झालेल्यांची संख्या ५० हजारांच्या आसपास आहे. या नवीन प्रकारामुळे पुन्हा कोरोना महामारीची लढाई सुरु झालेली दिसते. ब्रिटन आणि युरोपियन देशांनंतर आता कोरोना विषाणूचे हे नवीन रूप आशियातही पसरत आहे. डेल्टा स्ट्रेनच्या उप-प्रकारची प्रकरणे रशिया आणि इस्रायलमधून नोंदवली गेली आहेत.

ब्रिटनमधील परिस्थिती बिघडत आहे.

गेल्या तीन दिवसांपासून ब्रिटनमध्ये कोरोनाने संक्रमित रुग्णांची संख्या 50 हजारांच्या जवळपास गेली आहे. शास्त्रज्ञांचे म्हणणे आहे की कोरोनाच्या डेल्टा प्रकाराच्या विकसित स्वरूपामुळे हे घडत आहे. ते म्हणतात की कोविड-19 चा हा प्रकार लवकरच थांबला नाही तर लवकरच ब्रिटनमध्ये चौथी लाट येऊ शकते.

कोरोनाचे नवीन रूप काय, किती धोकादायक?

ब्रिटनमध्ये सापडलेल्या या नवीन कोरोना प्रकाराचे नाव AY.4.2 आहे. याला डेल्टा प्लस प्रकार देखील म्हटले जात आहे कारण ते डेल्टा व्हेरियंटचेच उप-प्रकार आहे. हा प्रकार मूळ डेल्टा प्रकारापेक्षा 10 ते 15 टक्के अधिक संसर्गजन्य असल्याचे म्हटले जात आहे. तथापि, सध्या तज्ञ सांगत आहेत की हा प्रकार मोठ्या प्रमाणावर पसरण्याची शक्यता कमी आहे, परंतु त्याची तपासणी केली जात आहे. जर अधिक प्रकरणे नोंदवली गेली, तर जागतिक आरोग्य संघटनेच्या (WHO) 'व्हेरियंट ऑफ इंटरेस्‍ट' यादीत या प्रकाराचा समावेश केला जाऊ शकतो. असे असूनही, प्रकरणे वेगाने वाढत राहिली, तर ती ' व्हेरियंट ऑफ कंसर्न' यादीत टाकली जातील.

नवीन प्रकार इतरांपेक्षा किती वेगळा आहे?

AY.4.2 हे प्रत्यक्षात डेल्टा प्रकाराच्या उप-प्रकारासाठी प्रस्तावित नाव आहे. हे जगातील अनेक देशांमध्ये आढळले आहे. त्याच्या स्पाइक प्रोटीनमध्ये Y145H आणि A222V असे दोन उत्परिवर्तन आहेत. UK मधल्या तज्ञांनी जुलै 2021 मध्ये AY.4.2 प्रकार ओळखला होता. असा अंदाज आहे की हा नवीन उपप्रकार 8-9 टक्के नवीन यूके प्रकरणांमध्ये आहे. कोरोना विषाणूचा हा नवीन प्रकार अल्फा आणि डेल्टा प्रकारांपेक्षा कमी धोकादायक आहे. असे म्हटले जात आहे की कोरोनामुळे या साथीच्या गतीवर फारसा परिणाम होणार नाही. एका अहवालानुसार, संसर्गजन्य रोग विशेषज्ञ विल्यम शॅफनर म्हणाले की, सध्या जगाला अनेक प्रकार पाहायला मिळतील. ते म्हणाले की 'आता जे होईल ते डेल्टामधून येईल'.

वाचणार कसे?

कोविड-19 चे कोणत्यही प्रकारापासून वाचण्याचा मार्ग एकच आहे. कोरोना लसीचे दोन्ही डोस पूर्ण करा. काही देशांमध्ये, नवीन प्रकार नियंत्रित करण्यासाठी बूस्टर डोस देखील दिला जात आहे. याशिवाय कोविडची योग्य वर्तणूक खूप महत्त्वाची आहे, जसे की सॅनिटायझरचा वापर, शारीरिक अंतर राखणे, मास्कचा वापर, गर्दी आणि अरुंद ठिकाणे टाळणे इ.

जगातील अनेक देशांमध्ये लसीकरण असूनही, कोरोना विषाणूची प्रकरणे वाढू लागली आहेत. अशा परिस्थितीत पुन्हा आपल्या समोर एक प्रश्न उभा राहतो की कोरोनाचे आणखी नवीन प्रकार दिसू शकतात का? अल्फा, बीटा, गॅमा, डेल्टा अशा अनेक प्रकारांची नावे आपण ऐकली आहेत. कोरोनाच्या दुसर्‍या लाटेत आपल्या देशात डेल्टा व्हेरियंटचे धोकादायक परिणामही आपण पाहिले, तर व्हायरसच्या संरचनेत अजूनही म्युटेशन्स होतील का आणि आणखी धोकादायक रूपे आपल्यासमोर येतील का?

Edited By: Pravin Dhamale