अमेरिकेच्या परराष्ट्र विभागाच्या आंतरराष्ट्रीय धार्मिक स्वातंत्र्याचा अहवाल भारताने फेटाळला

अमेरिकेच्या परराष्ट्र विभागाच्या आंतरराष्ट्रीय धार्मिक स्वातंत्र्याचा अहवाल भारताने फेटाळला आहे. देशातील नागरिकांना संविधानाद्वारे देण्यात आलेल्या संरक्षित अधिकारावर अमेरिकेने वक्तव्य करण्यात कोणतेच औचित्य नसल्याचे भारताने म्हटले आहे. वर्ष २०१८ मध्ये हिंदू कट्टरपंथीय समूहाकडून अल्पसंख्यांकांवर हल्ले झाल्याचे या अहवालात म्हटले आहे. याचे उत्तर देताना परराष्ट्र मंत्रालयाचे प्रवक्ते रवीश कुमार म्हणाले की, भारताला धर्म निरपेक्षतेची विश्वसनीयता, सर्वांत मोठी लोकशाही तसेच सहिष्णुता आणि सर्वसमावेशक समाजावर अभिमान आहे.

दरम्यान, यापूर्वी भाजपने अमेरिकेच्या विदेश विभागाने जारी केलेला आंतरराष्ट्रीय धार्मिक स्वातंत्रता अहवाल हा नरेंद्र मोदी सरकार आणि भाजपप्रती पूर्वग्रहाने प्रेरित आणि खोटा असल्याचा आरोप केला. भारताची लोकशाहीची मुळे अत्यंत खोलवर रुजली असल्याचे त्यांनी म्हटले. हे मोठे षडयंत्र असून पूर्णपणे असत्य असल्याचे भाजपचे माध्यम विभागाचे प्रमुख अनिल बलूनी यांनी म्हटले.

Web Title: India rejects international religious freedom report of US Department of State