पालघर, पश्चिम रेल्वेच्या बोईसर रेल्वे स्थानकाजवळ एक धोकादायक आणि जीवघेण्या प्रवासाचा प्रकार उघडकीस आला आहे. रेल्वे ट्रॅक ओलांडू नये यासाठी लावलेले रेलिंग प्रवाशांनी धोकादायक पद्धतीने ओलांडले आहेत. ही घटना एका प्रवाशाच्या कॅमेऱ्यात कैद झाली असून, त्यात एक प्रवासी रेलिंगवरून थेट रेल्वे ट्रॅकच्या शेजारी पडताना दिसत आहे.

रेल्वे स्थानकाच्या परिसरात हा प्रकार घडला असला तरी, रेल्वे पोलिसांनी या धोकादायक घटनेकडे दुर्लक्ष केले आहे. तुम्ही या व्हिडीओमध्ये पाहू शकता एक व्यक्ती रेलिंग ओलांडताना दिसत आहे. त्या व्यक्ती रेलिंग ओलांडताना मागच्या साईडला तोल जातो आणि ती व्यक्ती मागे डोक्यावर पडते.

रेल्वे स्थानकावर लावलेले रेलिंग या प्रकारे ओलांडले जात असताना, प्रवाशांचे जीवन धोक्यात येत आहे. त्यांना ट्रॅक ओलांडणे किंवा सुरक्षित मार्गाचा वापर न करता, रेलिंगमधून घुसून ट्रॅकवर जाऊन अपघाताचा धोका वाढला जात आहे. या प्रकाराची कॅमेऱ्यातील व्हिडिओ क्लिप व्हायरल झाली आहे आणि यावर सामाजिक माध्यमांवर जोरदार चर्चा सुरू झाली आहे. प्रवाशांच्या सुरक्षेसाठी रेल्वे प्रशासन आणि पोलिसांवर कठोर कारवाई करण्याची मागणी होत आहे.

हा व्हिडीओ सोशल मीडियावर खूप वेगाने व्हायरल होत आहे. तसेच हा व्हिडीओ 'saamtvnews' या इन्स्टाग्राम अकांऊटवर शेअर करण्यात आलेला आहे. या व्हिडीओला अनेक प्रतिक्रिया येत आहे. एका यूजर्सने लिहिले की, 'क्या ओलांडू बनेगा रे तू' ही प्रतिक्रिया वाचून अनेकांना हसू येईल. तर दूसऱ्या यूजर्सने लिहिले की, 'नाही जमत तर कशाला उगीच स्वतःच्या जीवाशी खेळायचं'. असे अनेक प्रतिक्रिया उमटत आहेत.