Western Railway Viral Video

कधी तांत्रिक बिघाड तर कधी प्रवाशांच्या गर्दीमुळे होणारा उकाडा, तसेच प्रवासी लटकत असल्याने दरवाजे बंद न झाल्याने पश्चिम रेल्वेवरील वातानुकूलित लोकल सातत्याने चर्चेत असते. अशातच सोमवारी पश्चिम रेल्वे मार्गावरील एसी लोकलच्या छतातून चक्क पाणी गळू लागले.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

चर्चगेट ते विरार या जलद वातानुकूलित लोकलमध्ये पाणी थेंब थेंब असे गळू लागले.मात्र अंधेरी स्थानकाच्या पुढे जाताच पाणी संताताधरेच्या रुपात बरसू लागले.पाऊस नसतानाही लोकलच्या छतातून पाणी गळू लागल्यामुळे प्रवासी पुरते हैराण झाले. सध्या सोशल मीडियावर व्हिडिओ तूफान व्हायरल होत आहे.

व्हायरल होत असलेल्या व्हिडिओत दिसते की,' एक एसी लोकल आहे. अशातच चक्क त्या लोकल डब्यातील छतावरुन पाणी पडत असल्याचे दिसत आहे. या ट्रेनमध्ये आपल्याला एक प्रवासी दिसून आलेला आहे. संपूर्ण डब्यात पाणी पाणी झाले आहे.

व्हायरल व्हिडिओ सोशल प्लॅटफॉर्म एक्स(ट्वीटर) वरील@Ruchika66964659या नावाच्या अकाऊंटवरुन शेअर करण्यात आला आहे. या आधीही मुंबईच्या महिलांच्या डब्ब्यात पाण्याच्या धार सुरु होती. अखेरीस या लोकलमधील एका प्रवाशाने संपूर्ण प्रकार आपल्या मोबाईलमध्ये कैद केलाय.

सर्व माध्यमामध्ये व्हिडिओ तूफान व्हायरल होतोय. व्हिडिओ मोठ्या प्रमाणात लाईक्स मिळत असून अनेक व्ह्यूजपण मिळत आहेत. व्हिडिओ पाहून विविध माध्यमातून अनेक संतप्त प्रतिक्रिया येत आहेत.