Viral Video: गेल्या काही वर्षात शेत-शिवारात प्राण्यांचा वावर मोठ्या प्रमाणात वाढलेला आहे. अनेकदा याच कारणांमुळे शेतात काम करत असलेल्या शेतकऱ्यांना याचा त्रास सहन करावा लागतो तर अनेकदा या प्राण्यांची भितीसुद्धा असते. त्यातच सोशल मीडियावर एका अशाच एका घटनेचा व्हिडिओ व्हायरल होत आहे, ज्यात शेतांमध्ये सुगीची काम सुरू असतानाच हत्ती दाखल झाल्याने शेतकरी चिंताग्रस्त झालेले आहेत.

चंदगड(Chandgad) तालुक्यातील जेलुगडे इथल्या शिवारात काल सायंकाळी टस्कर हत्ती दाखल झाला आहे. पूर्वी मादी हत्ती आणि दोन पिले हेरे , वाघोत्री परिसरात दाखल झाली आहेत. या शिवाराला लागूनच असलेल्या पाटणे, जेलुगडे हद्दीमध्ये काल सायंकाळी नर हत्तीचा वावर दिसून आला. सध्या शिवारात भात आणि नाचणा मळणी तसेच भुईमुंग काढण्याची कामे सुरू आहेत.

काही ठिकाणी गवत कापणी केली जात आहे. सुगीची मोठी कामे अजूनही प्रलंबित असताना शिवारात हत्ती दाखल झाले आहेत. दरवर्षी ऐन सुगीच्या हंगामातच हत्ती(Elephant) दाखल होतात आणि कष्टाने पिकवलेले पीक फस्त करतात. त्यामुळे शेतकरी चिंताग्रस्त झाले आहेत.

कोल्हापूरमधील व्हिडिओ इन्स्टाग्राम या सोशल मीडिया प्लॅटफॉर्मवर व्हायरल होत असून 'SaamTvNews'' या अकाउंटवर पोस्ट करण्यात आलेला आहे. व्हिडिओ पोस्ट करताच काही वेळात अनेक लाईक्स आणि मोठ्या प्रमाणात व्ह्यूज व्हिडिओला मिळालेले आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.