'देव तारी त्याला कोण मारी?' असं म्हटलं जातं. याचाच प्रत्यय एका ट्रक चालकाला आला आहे. त्याचा जीव थोडक्यात बचावला आहे. उत्तराखंडमध्ये सध्या पाऊसाची जोरदार बॅटिंग सुरू आहे. ठिकठिकाणी पाणी साचल्याने रस्त्याचं भूस्खलन झालं आहे यामुळे दरड कोसळ्याच्या घटना देखील घडत आहेत. अशातच सोशल मीडियावर देखील एका ट्रकचालकाचा व्हिडीओ व्हायरल होत आहे.

हिमाचलप्रदेश आणि उत्तराखंडमध्ये जोरदार पाऊसामुळे रस्त्याचे नुकसान झाले आहे. सध्या सोशल मीडियावर एका ट्रक चालकाचा व्हिडीओ समोर आला आहे. ज्यामध्ये ट्रक चालकाचा १ सेकंदासाठी जीव वाचला आहे. हा व्हिडीओ पाहून खरचं ट्रक चालकासोबत चमत्कार घडल्याचं म्हणता येईल.

आजकाल कुठेही प्रवास करताना सावधगिरी बाळगावी लागते आहे. कधीही, कुठेही कोणती घटना घडेल हे सांगता येत नाही. निसर्गतील बदलामुळे पावसाळ्याच्या दिवसात दरड कोसळण्याच्या घटना घडतच असतात. सध्या उत्तराखंडमध्ये जोरदार पाऊसामुळे ठिकठिकाणी पाणी साचलं आहे. रस्ते बंद केले आहेत. रस्त्यांना तडा गेल्या आहेत. साचलेल्या पाण्यातून प्रवास करणं कठीण झालं आहे तर अनेक डोंगराळ भागात दरड कोसळणाच्या घटना देखील घडत आहेत.

या व्हिडीओमध्ये तुम्ही पाहू शकता की, ट्रक जात असताना एक दगड पडत आहे. त्यामुळे ट्रक थांबला आहे मात्र थोड्याच वेळात ट्रकने रस्ता पार केल्यानंतर मोठमोठे दरड कोसळले. ट्रकने रस्ता पार केल्यानंतर काही सेकंदामध्ये दरड कोसळल्याने कोणतेही नुकसान व जिवितहानी झालेली नाही. काहीसा चमत्कारच घडला, असचं हा व्हिडीओ पाहून म्हणता येईल.