Nagpur Viral Video: नागपूर जिल्ह्यातील उमरेड क-हांडला अभयारण्यात राहणारी प्रसिद्ध F-2 वाघीण सध्या पुन्हा चर्चेत आली आहे. तिचा आणि तिच्या पाच गोंडस बछड्यांचा तलावात पाण्यात मस्ती करतानाचा एक व्हिडिओ सध्या सोशल मीडियावर तुफान व्हायरल होत आहे. उन्हाच्या कडाक्यापासून थोडा आराम मिळवण्यासाठी वाघीण आणि तिचे बछडे तलावात शांतपणे वेळ घालवताना दिसत आहेत. या दृश्याने अनेकांचे मन जिंकले आहेत.

नागपुरातील वन्यजीवप्रेमी (Wildlife lover) श्वेता अंबादे यांनी हा व्हिडिओ घेतला आहे. गोठणगाव गेटवर सफारी करताना त्यांनी हा व्हिडिओ चित्रित केला. उष्णतेचा मानवाबरोबर जंगलातील वन्य प्राण्यांनाही बसत आहे. त्यामुळे वन्य प्राणी ही तलावात किंवा एखाद्या पाणवठ्यावर पाण्यात बसून असतात.

व्हिडिओला मोठी पसंती

F-2 वाघीण आणि तिचे बचतही असे पाण्यात मस्ती करत असताना हा व्हिडिओ आहे. सध्या F 2 वाघीण आणि तिच्या 5 बछड्यानी पर्यटकांच्या आकर्षणच केंद्र ठरत आहे. हा व्हिडिओ सध्या इन्स्टाग्रामवरील saamtvnews या अकाउंटवर अपलोड करण्यात आलेला आहे. आतापर्यंत हा व्हिडिओला अनेक लाईक्स आणि व्ह्यूज मिळत आहेत.

फक्त इन्स्टाग्राम नाही तर अन्य माध्यमांवरही व्हिडिओला (Video) पसंती मिळत असून अनेक प्रतिक्रियाही आलेल्या आहेत. त्यातील एका यूजरने म्हटलं की,''बरं झालं कधीतरी वेगळा व्हिडिओ पाहण्यासाठी मिळाला'' तर दुसऱ्या यूजरने म्हटलं,''क्वचित असं काही पाहण्यासाठी मिळत'' अशा प्रकारे प्रत्येकाला हा व्हिडिओ अतिशय आवडलेला आहे.

टीप: अभयारण्यातील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही