सोशल मीडिया म्हणजे असंख्य व्हिडिओ व्हिडिओंचा खजिना. सोशल मीडियावर चिमुकल्यांचे असंख्य व्हिडिओ व्हायरल होत असतात. कधी हटके डान्स, कधी शाळेतील मस्तीने चिमुकले लक्ष वेधत असतात. मात्र सध्या सोशल मीडियावर एका चिमुकलीचा धाडसी व्हिडिओ व्हायरल होतोय, जो पाहून तुम्हीही थक्क व्हाल.

साडी घातलेली ही चिमुकली अत्यंत सफाईदारपणे शिवकालीन मर्दानी खेळ (Games) खेळताना दिसत आहे. तिचे हे कौशल्य पाहून नेटकरीही अवाक झालेत.चिमुकलीच्या या कलेला लाठी-काठीचा खेळ असे म्हणतात.भल्या-भल्याना जमणार नाही असे कौशल्य या चिमुकलीकडे पाहून दिसून येते.

व्हायरल होत असलेल्या व्हिडिओत तुम्हाला अनेक लहान चिमुकल्या दिसत आहेत.प्रत्येकीने नववारी साडी नेसलेली आहे.जर तुम्ही व्हिडिओत नीट पाहिले तर प्रत्येक चिमुकली लाठी-काठी ही कला सादर करत आहेत.लहान वयात चिमुकल्याचा उत्साह आणि अतिशय व्यवस्थित लाठी-काठी चालवताना पाहून तुम्हीही हैराण व्हाल.

चिमुकलीचा व्हिडिओ सध्या एक्स या सोशल मीडिया प्लॅटफॉर्मवर व्हायरल होत आहे,मात्र तो एक्सवरील '@JaipurDialogues'या अकाउंटवर अपलोड करण्यात आलेला आहे.विशेष म्हणजे व्हिडिओ पोस्ट करण्यात आल्यानंतर कॅप्शनमध्ये,''प्रत्येकाने आपल्या मुलींना अशा प्रकारे प्रशिक्षण दिले पाहिजे'',असे लिहिले आहे.

सोशल मीडियावर चिमुकलीचा व्हिडिओ मोठ्या प्रमाणात नेटकऱ्यांच्या पंसतीस आलेला आहे.व्हिडिओ पाहिल्यानंतर नेटकऱ्यांनी कौतुकास्पद प्रतिक्रिया केलेल्या आहेत.त्यातील एका यूजरने कमेटबॉक्समध्ये लिहिले आहे,''नारी शक्ती''तर दुसऱ्या एका यूजरने लिहिले,''कमाल तायडे'' तर अनेक यूजर्संनी लिहिले आहे,''साहेब पोरी खूप बदलल्या आहेत'',अशा अनेक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.