Viral Video : मृत्यू कुणाला कधी आणि कुठे गाठेल याचा काही नेम नाही. काहींचं नशीब इतकं बलवत्तर असतं की ते मृत्यूलाही चकवा देतात. असाच एक व्हिडीओ सध्या  सोशल मीडियावर व्हायरल होत आहे. अवघ्या चार सेकंदांचा हा व्हिडीओ काळजाचा ठोका चुकवणारा आहे.

ऑलिम्पिकमध्ये धावणाऱ्या एखाद्या रनरला सेकंदाचं महत्त्व चांगलंच कळतं. पण व्हायरल होत असलेल्या व्हिडिओतील व्यक्तीलाही ते महत्त्व चांगलंच कळलं असेल. व्हिडीओमध्ये उभा असलेल्या तरूणाच्या अंगावर झाडाची फांदी पडताना दिसत आहे. जर हा तरूण काही क्षणात बाजूला सरकला नसता तर त्याचा मृत्यू अटळ होता.

पाऊस सुरु असल्याने हा व्हिडीओतील व्यक्ती छत्री घेऊन उभा होता. अचानक झाडाच्या फांदीचा आवाज होतो. तेव्हा हा व्यक्ती लांब पळण्याचा प्रयत्न करतो. मात्र पळायच्या आधीच तो तोल जाऊन खाली पडतो. खाली पडल्यानंतर काही इंचांच्या अंतरावर झाडाची फांदी पडते. (Latest News Update)

झाडाची फांदी प्रचंड वेगात, एखाद्या बाणासारखी सरळ जमिनीवर पडते. मात्र ही फांदी या व्यक्तीच्या अंगावर पडली असती तर कदाचित या व्यक्तीचा मृत्यूही झाला असता. थरकाप उडवणारा हा व्हिडीओ सीसीटीव्ही कॅमेऱ्यात कैद झाला आहे. सोशल मीडियावर हा व्हिडीओ मोठ्या प्रमाणावर व्हायरल होत आहे.