Trending Video News : आरसीबीविरोधात चेन्नईचा ५० धावांनी पराभव झाला. या सामन्यात धोनी नवव्या क्रमांकावर फलंदाजीला आला, त्यावेळी आरसीबीने सामना जवळपास जिंकलाच होता. नवव्या क्रमांकावर फलंदाजीला आलेला धोनी सोशल मीडियावर ट्रोल झाला. धोनीला ट्रोल करण्यासाठी एका व्यक्तीने आजोबाचा व्हिडिओ पोस्ट केलाय. या व्हिडिओने सोशल मीडियावर धूमाकूळ घातला आहे. आजोबा जोरदार फटका मारतात अन् दोन धावा काढत असल्याचे व्हिडीओत दिसत आहे. एक्स युजर्सने आजोबाचा व्हिडिओ पोस्ट करताना धोनी अखेरच्या षटकात ७५ धावा हव्या असताना फलंदाजी करताना असे मजेदार कॅप्शन लिहिलेय. शेवटच्या षटकात धोनी ज्या पद्धतीने शानदार फलंदाजी करतो, त्याचं वर्णन करणारा हा व्हिडिओ पोस्ट करण्यात आलाय.

क्रिकेट खेळणाऱ्याला वयाचे बंधन नसते, हे धोनीने आरसीबी आणि मुंबईविरोधातील सामन्यात दाखवून दिलेय. विकटकिपिंग असो की फलंदाजी, धोनीने ४२ व्या वर्षीही आपली छाप सोडली. आरसीबी आणि चेन्नई यांच्यातील सामन्यानंतर एक्स युजर्सने व्हिडिओ पोस्ट केलाय. त्या व्हिडिओ वयोवृद्ध व्यक्ती क्रिकेट खेळताना दिसतोय. उपस्थित लोक त्या आजोबाला दादाजी म्हणतात.. धोतर, हातात बॅट अन् उत्साह पाहून नेटकरी खूश झालेत.Viral Video

धोतर नेसून आजोबांची फटकेबाजी -

धोतर नेसून आजोबा शानदार फलंदाजी करत असल्याचे व्हिडिओत दिसत आहे. चेंडू जोरदार टोलवल्यानंतर आजोबा उत्साहात दोन धावा घेतात. त्या आजोबाची फलंदाजी आणि उत्साह पाहून अनेकजण हैराण झाले. आजोबांच्या रक्तात क्रिकेट आहे, अशी कमेंट एका युजर्सने केली आहे. आजोबाच्या फलंदाजीची स्टाइल, चेंडू फटकावल्यानंतरचा उत्साह पाहून नेटकरी खूश झालेत. आजोबाची फलंदाजी पाहून अनेकांना धोनी आठवला.