Smoking In Delhi Metro :

दिल्ली मेट्रो गेल्या वर्षभरापासून विविध कारणांमुळे चर्चेत असते. मेट्रोमधील व्हायरल (Viral Video) होणारे व्हिडिओ पाहून नेटकऱ्यांचे डोके चक्रावत असतात. सध्या असाच एक दिल्ली मेट्रोमधील व्हिडिओ वणवा पेटल्याप्रमाणे व्हायरल होत आहे. यामध्ये काकानं धावत्या मेट्रोमध्ये सर्वांना अडचणीत टाकलं. काकांनी धावत्या मेट्रोमध्ये बिडी पेटवल्याचा व्हिडिओ व्हायरल झालाय. (Latest viral News)

व्हायरल झालेल्या व्हिडिओमध्ये वृद्ध व्यक्तीने सीटवर बसल्यानंतर फूल स्वॅगमध्ये खिश्यातून बिडी काढली आणि आगपेटीच्या काडीने ती बिडी पेटवली. बिडी पेटल्यानंतर काकांनी आगपेटीची काडी तेथेच फेकून दिली. काकांच्या आजूबाजुला प्रवाशी आहेत, तरीही काकांनी स्वॅगमध्ये बिडी ओढली. सार्वजनिक ठिकाणी बिडी पेटवल्याबद्दल इतर प्रवाशांनी काकांना टोकलं. माझ्याकडे तिकीट आहे, असं उत्तर या काकांनी दिलं. दरम्यान सोशल मीडिया हा व्हिडिओ व्हायरल झाल्यानंतर नेटकऱ्यांनी दिल्ली मेट्रो रेल कॉर्पोरेशन आणि दिल्ली मेट्रो अधिकाऱ्यांकडून उत्तर मागितले आहे.

परंतु डीएमआरसी आणि इतर अधिकार्‍यांनी अद्याप या प्रकरणावर कोणतेही वक्तव्य दिलेले नाही. अशा घटनेमुळे मोठी दुर्घटना होण्याची शक्यता असल्याने अशा व्यक्तींवर कारवाई व्हावी, अशी मागणी करण्यात आली आहे. त्यावर आता डीएमआरसी काय निर्णय घेणार? याकडे सर्वांचं लक्ष लागलंय. दरम्यान, सध्या सोशल मीडियावर दिल्ली मेट्रोमधील आणखी एक व्हिडीओ समोर आला आहे. यामध्ये कपल सर्वांसमोर किसिंग करताना दिसत आहेत.

मेट्रोच्या दरवाज्याजवळ एक कपल एकमेकांच्या अगदी जवळ मिठीत असताना दिसून येतं आहेत. ते फक्त एकमेकांना मिठी मारत नाही तर ते सार्वजनिक ठिकाणी किस करत होते. त्यामुळे मेट्रोमधील प्रवाशी लाजल्यात जमा झाले. हा व्हिडीओ देखील सध्या व्हायरल होत असून लोकांनी कारवाईची मागणी करण्यात आली आहे.