उत्तरप्रदेशच्या मेरठमधून धक्कादायक घटना घडली आहे. कॉलेजमधून परतणाऱ्या मुलीचा विनयभंग करणाऱ्याला नागरिकांनी चांगलाच चपराक दिला आहे. मिळालेल्या माहितीनुसार, मुलगी कॉलेजमधून परत येत असताना या हरामखोराने मुलीचा हात धरला. तेवढ्यातच मुलीने आरडाओरड केला. यामुळे हा धक्कादायक प्रकार उघडकीस आला आहे. यामुळे संपूर्ण परिसरात याघटनेमुळे खळबळ उडाली आहे. सोशल मीडियावर या घटनेचा व्हिडीओ सध्या व्हायरल होत आहे

विद्यार्थिनी कॉलेजमधून परत येत असताना रस्त्यामध्ये एका तरूणाने तिला अडवलं आहे. मुलीचा विनयभंग करण्याचा त्याने प्रयत्न केला आहे. त्याने मुलीचा हात धरला यावेळी या मुलीने आरडाओरड केली आहे. दरम्यान या ठिकाणी लोक जमा झाले. लोकांनी आरोपीला पकडून मारहाण केली आहे. दरम्यान तेथील एकाने ही घटना मोबाईलच्या कॅमेऱ्यात कैद केली आहे. या घटनेचा व्हिडीओ व्हायरल झाल्यानंतर सोशल मीडियावर संताप व्यक्त केला जात आहे.

व्हिडीओमध्ये तुम्ही पाहू शकता, मुलीचा विनयभंग करणाऱ्याला लोकांनी चांगलाच चोप दिला आहे. कपडे फाटेपर्यंत लोकांनी त्याला मारहाण केली आहे. महिलांनी देखील या तरूणाला मारलं आहे. स्थानिकांच्या म्हणण्यांनुसार, याठिकाणी विद्यार्थी आणि महिलांच्या छेडछाडीच्या घटना दिवसेंदिवस वाढत चाललेल्या आहेत. यामुळेच अशा गुन्हेगारांना वेळीच धडा शिकवणं गरजेचं आहे.

या संपूर्ण घटनेची माहिती पोलिसांना मिळाल्यानंतर आरोपीला ताब्यात घेतले आहे. या आरोपीवर पोलिसांकडून योग्य ती कारवाई करण्यात येणार आहे. सोशल मीडियावर व्हायरल व्हिडीओवर संतप्त प्रतिक्रिया येत आहेत. या आरोपीला वेळीच धडा शिकवणाऱ्या नागरिकांचे कौतुक केले जात आहे.