Noida Thar Video: उत्तर प्रदेशमधील नोएडामध्ये एका इन्स्टाग्राम पोस्टवरून वाद पेटला आणि त्यातून भीषण हाणामारी झाली. काही गुंडांनी तरुणाला आधी हाणले मग थेट थार गाडीने जोरदार हल्ला केला. हा प्रकार अचानक घडला आणि घटनास्थळावर खळबळ उडाली. भीषण हल्ल्याचा संपूर्ण व्हिडिओ सीसीटीव्ही कॅमेऱ्यात कैद झाला असून, त्यात तरुणावर गुंडांनी किती क्रूरपणे हल्ला केला ते स्पष्ट दिसते.

व्हायरल(Noida Viral) होत असलेल्या व्हिडिओत तुम्हाला एक तरुण रस्त्याने चालत येताना दिसत आहे. अचानक एक थार येते आणि तरुणाला जोरदार उडवते. थारने दिलेल्या धडकेत तरुण उडून बाजूला असलेल्या खड्ड्यात जाऊन पडतो. सर्व थरार त्याच वेळी तिथे उपस्थित असलेल्या व्यक्तीने मोबाईलमध्ये कैद केला आहे.

या सर्व घटनेचा व्हिडिओ परिसरातील नागरिकाने मोबाईलमध्ये कैद केला आणि सोशल मीडियावर अपलोड केला आहे. परंतू, आता हा व्हिडिओ सोशल मीडियावर व्हायरल होत आहे. सध्या पोलिसांनी सदर प्रकरणाचा गंभीरपणे विचार करून तक्रार नोंदवली असून संपूर्ण प्रकरणाची चौकशी सुरु केली आहे. घडलेली ही घटना नोएडाच्या सेक्टर २४ किंवा २५ मधील असल्याचे सांगिलतले जात आहे.

हा व्हिडिओ(VIDEO) सध्या सोशल मीडियावर वाऱ्याच्या वेगाने व्हायरल झालेला आहे. आतापर्यंत या व्हिडिओला पाहून प्रत्येकाने प्रतिक्रिया दिलेल्या आहेत. त्यातील एका यूजरने कमेंट केली,''भयानक प्रकार आहे'' दुसऱ्या यूजरने कमेंट केली,''पोलिसांनी लवकर कारवाई करावी'' तर तिसऱ्या यूजरने कमेंट केली की,''सोशल मीडियावर वारंवार भयानक प्रकार पाहण्यासाठी मिळत आहेत'',अशा विविध प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.