लहान मुलांची सुरक्षा ही प्रत्येक पालकाची प्राथमिक जबाबदारी आहे, पण सोशल मीडियाच्या ट्रेंडमुळे काहीजण बेजबाबदार वर्तन करत असल्याचे दिसत आहे. व्हायरल होण्याच्या नादात काही लोक मुलांच्या जीवाशी खेळत आहेत. अशाच एका व्हिडिओमध्ये एका लहान बाळाला धोकादायक परिस्थितीत ठेवल्याचे पाहायला मिळत आहे.

हा व्हिडिओ पाहून नेटकऱ्यांनी तीव्र संताप व्यक्त केला असून, अशा कृत्यांवर कठोर कारवाईची मागणी होत आहे. केवळ व्हिडिओसाठी मुलांच्या सुरक्षिततेकडे दुर्लक्ष करणे किती गंभीर ठरू शकते, याचा विचार समाजाने करण्याची गरज आहे. पालकांनी अशा प्रकारांपासून सावध राहावे, असे आवाहन केले जात आहे.

व्हिडिओमध्ये ही व्यक्ती दुचाकीवर प्रवास करताना दिसत आहे, ज्याच्या हँडलला एक पिशवी लावलेली आहे. आश्चर्याची गोष्ट म्हणजे त्या पिशवीत एक लहान बाळ ठेवलेले आहे. जरी पिशवी दोरीने बांधलेली असली, तरी हा प्रकार अत्यंत धोकादायक आहे. जर पिशवी फाटली किंवा कोणत्याही गोष्टीची धडक बसली, तर बाळाचा जीव गंभीर संकटात येऊ शकतो. हा बेजबाबदार प्रकार पाहून नेटकऱ्यांनी तीव्र संताप व्यक्त केला असून, अशा कृतींवर कठोर कारवाईची मागणी केली जात आहे.

इन्स्टाग्रामवरील 'theindiansarcasm' या अकाऊंटवर पोस्ट झालेल्या एका या व्हिडिओमुळे नेटकऱ्यांचा संताप अनावर झाला आहे. या व्हिडिओवर अनेकांनी रोष व्यक्त करत कमेंट्स केल्या आहेत. एका यूजरने लिहिले, हे खूप धोकादायक आहे, कोणी असे कसे करू शकतो? तर दुसऱ्याने चेतावणी दिली, अत्यंत धोकादायक! असे करू नका. तिसऱ्याने लिहिले, लहान मुलांची साधी दुखापतही सहन होत नाही, ही काय मस्करी करण्यासारखी गोष्ट आहे? नेटकऱ्यांनी अशा बेजबाबदार कृतींवर कठोर कारवाईची मागणी केली आहे.