Rajasthan Viral Video: प्रसार माध्यमात कायम बोअरवेलमध्ये लहान मुलं पडलेल्याच्या अनेक घटना आपण ऐकत असतो. घडत असलेल्या या प्रकारामुळे बोअरवेल आता प्रत्येकाला माहिती आहे मात्र पाण्याचा वापर होत असलेल्या या बोअरवेलमधून आता चक्क आग निघत असलेला प्रकार समोर आलेला आहे. नक्की घडना कुठली आहे हे पाहण्यासाठी व्हायरल व्हिडिओ एकदा पहा.

नेमके काय घडले?

व्हायरल (Viral)होत असलेली घटना जोधपूरमधील बावडी तालुक्यातील आहे, जिथे राहत असलेल्या एका शेतकऱ्याच्या शेतात बोरवेल होती,ज्यामधून शेतकऱ्यांना गॅसचा वास येण्यास सुरुवात झाली होती, त्यामुळे शेतकऱ्यांनी तिथे मासिचची काडीचा वापर केला असता आग निर्माण झाली.

व्हायरल होत असलेल्या व्हिडिओत तुम्हाला तीन व्यक्ती शेतात बसलेले दिसत असून त्यांच्या समोर लहान आकाराची शेकोटी पेटलेली दिसत आहे, मात्र नीट पाहिले तर दिसेल की ती लाकडांपासून बनवलेली शेकोटी नसून चक्क व्हायरल होत असलेल्या बोरवेलमधून निघालेली आग आहे. तिथे जमलेले सर्वजण शेकोटी म्हणून हात शेकत आहेत. सर्व व्हिडिओ तिथे असलेल्या एका व्यक्तीने मोबाईलमध्ये कैद केलेला आहे.

जोधपूरमधील ही घटना सध्या एक्स या सोशल मीडिया प्लॅटफॉर्मवरुन नेटकऱ्यांमध्ये पोहचत असूनच ''@RMeena172003'' या एक्स अकाउंटवर पोस्ट करण्यात आलेला आहे. व्हिडिओ पोस्ट करत कॅप्शनमध्ये,''जोधपूरमध्ये एक विचित्र घटना समोर आली आहे. येथे बोअरवेलमधून आग लागल्याची घटना समोर आली आहे'', असे लिहिण्यात आलेले आहे.

टीप : जोधपूरमधील ही घटना मोठ्या प्रमाणात व्हायरल होत आहे मात्र याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.