Sambhajinagar Theft New: छत्रपती संभाजीनगर शहरात सोनसाखळी चोरीच्या घटनांमध्ये वाढ झाली आहे. त्यातच पुन्हा एकदा सकाळीच मॉर्निंग वॉकला गेलेल्या एका वृद्धेला मेडिकल कुठे आहे, असे विचारण्याच्या बहाण्याने दोघांनी गळ्यातील गोफ हिसकावून पळ काढला. ही संपूर्ण घटना सीसीटीव्हीमध्ये कैद झाली आहे.

नेमके घडले तरी काय?

व्हायरल (Viral)होत असलेल्या सीसीटीव्हीमध्ये तुम्हाला, एक वृद्ध महिला त्यांच्या बिल्डिंगच्या गेटमधून आत जाताना दिसत आहे. त्याचेवळी बिल्डिंगच्या बाहेर दोन तरुण येतात. त्यातील एक तरुण दुचाकीवर बसलेला आहे आणि दुसरा आजींच्या दिशेने जातो. त्यांना पत्ता विचारण्याच्या बाहाण्याने त्यांच्याशी बोलण्याचा प्रयत्न करतो आणि गळ्यातील दागिना जोरात हिसकावणून दुचाकीवरुन पळ काढतो.

मात्र, या हल्ल्यात वयोरुद्द महिला रस्त्यावर पडतात. सकाळीची वेळ असल्याने रस्त्यावर नागरिकांची आणि वाहनांची वर्दळ दिसत नाही. मात्र संपूर्ण प्रकार सीसीटीव्हीमध्ये कैद झालेला आहे. नुकत्याच छत्रपती संभाजीनगर शहरात गेल्या दोन दिवसांत पादचारी महिलांच्या गळ्यातील गंठण, मंगळसूत्र चोरीच्या अशा तीन घटना समोर आल्या आहेत.

सध्या ही घटना युट्युब या सोशल मीडिया प्लॅटफॉर्मवरील saamtv या पेजवर अपलोड करण्यात आलेली आहे. संभाजीनगरमध्ये चोरीच्या (Theft)घटनांमध्ये गेल्या काही वर्षांपासून मोठी वाढ झाली असून, नागरिकांमध्ये भीतीचे वातावरण आहे. त्यामुळे पोलिसांपुढेही मोठे आव्हान निर्माण झाले असून सुरक्षा व्यवस्था अधिक कडक करण्याची मागणी नागरिकांकडून होत आहे, तर पोलीस गस्त वाढवण्याचे प्रयत्न करत आहेत.

टीप: चोरीचा हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही