आजकाल रस्त्यावरून प्रवास करताना विशेष काळजी घेणं गरजेचं आहे. काहीवेळेस इतरांच्या चुकांमुळे आपला जीव धोक्यात येऊ शकतो. सोशल मीडियावर सध्या असाच एक व्हिडीओ व्हायरल होत आहे. जो पाहून तुम्हालाही धक्का बसेल.

व्हिडीओमध्ये तुम्हाला एका चुकीमुळे कशी दुर्घटना घडते हे दिसत आहे. एक चालक ट्रक पार्क करून हँडब्रेक लावायला विसरतो त्यानंतर जे घडतय ते भयंकर आहे.

रस्त्याच्या कडेला एक मोठा ट्र्क उभा असलेला दिसत आहे. ट्रक पार्क करून चालक कामानिमित्त निघून गेला आहे. चालक ट्रकचा हँडब्रेक लावायला विसरला आहे. यानंतर ट्रक हळहळू उतारावरून सरकू लागला आहे. सुरूवातीला याकडे कोणाचेही लक्ष गेले नाही परंतू अचानक ट्रक मागे उभ्या असलेल्या कारला धडकतो. यानंतरही ट्रक मागे मागे येत दुसऱ्या वाहनांना आदळतो आणि नंतर कारसह ट्रक खड्यात पडतो. या दरम्यान काही लोक ट्रक थांबवण्यासाठी धावताना दिसतात. परंतू तो पर्यंत उशीर झालेला असतो.

या संपूर्ण प्रकरणाला ट्रक चालक जबाबदार असल्याचं दिसत आहे. ट्रक चालकाने हँडब्रेक न लावल्यामुळे ही घटना घडली आहे. यामध्ये कोणतीही जिवितहानी झालेली नाही. मात्र वाहनांचे मोठे नुकसान झाले आहे. ट्रक चालकाच्या एका चुकीमुळे जीव देखील धोक्यात जाऊ शकतो. यामुळे ट्रक चालकांनी वेळीच खबरदारी घेणे गरजेचं आहे.

सोशल मिडियाच्या @InsaneRealitys एक्स अकाउंटवर हा व्हिडीओ शेअर करण्यात आला आहे. या व्हिडीओच्या कॅप्शनमध्ये ,'हँडब्रेक लावायला कधीही विसरू नका' असं म्हटलं आहे. या व्हिडीओला लाखो नेटकऱ्यांनी पाहिला आहे. व्हिडीओवर प्रतिक्रिया दिल्या आहेत. एकाने, एक छोटीशी चूक आणि लाखोंचे नुकसान, तर आणखी एकाने, ड्रायव्हरचा निष्काळजीपणा मृत्यू आणि विनाश दोन्हींना कारणीभूत ठरू शकतो. अनेकांनी चालकाच्या बेजबाबदारपणाबद्दल नाराजी व्यक्त केली आहे.