Train News: रोज हजारो महिला-पुरुष, विद्यार्थी, नोकरदार लोक लोकल ट्रेनने प्रवास करतात. मात्र, सुरक्षिततेचा प्रश्न पुन्हा एकदा ऐरणीवर आला आहे. सध्या सोशल मीडियावर एक धक्कादायक व्हिडिओ व्हायरल होतोय, ज्यामध्ये एका तरुणीसमोर एका व्यक्तीने अश्लील कृत्य केलं आहे. हा प्रकार ट्रेनमध्ये भर गर्दीत घडला असून, हा व्हिडिओ पाहून जनतेचा संताप अनावर झाला आहे.

व्हिडिओमध्ये नोदवलेली विकृती

व्हायरल होत असलेला व्हिडिओ लोकल ट्रेनच्या डब्यातील आहे. पण नेमकी घटना मुंबई लोकल ट्रेनमधील आहे का किंवा देशातील कोणत्या लोकल ट्रेनमधील ते अद्याप समजू शकले नाही. व्हिडिओत तुम्ही पाहू शकता, ट्रेनमध्ये गर्दी आहे, लोक उभे आहेत, काही बसले आहेत. याच गर्दीत एक व्यक्ती ट्रेनच्या दरवाजाजवळ बसलेला असतो त्यानंतर तो तरुणीला पाहून अश्लील वर्तन करताना दिसतोय. तरुणीने आपला मोबाईल काढून त्याचे कृत्य चित्रीत केलं आणि नंतर सोशल मीडियावर पोस्ट केलं. पाहता पाहता तो व्हिडिओ व्हायरल झाला.

काही तासांतच हा व्हिडिओ देशभरात वाऱ्याच्या वेगाने पसरला आणि पाहता पाहता लाखो नेटकऱ्यांनी पाहिला. सध्या हा व्हिडिओ इन्स्टाग्राम या सोशल मीडिया प्लॅटफॉर्मवरील _.legalbud या अकाउंटवर अपलोड करण्यात आलेला असून व्हिडिओच्या कॅप्शनमध्ये घटना कुठली आणि काय घडली याबाबात सविस्तर सांगण्यात आलेले आहे.

महिलांचा संताप

हा व्हिडिओ पाहताच अनेक महिलांनी शिवाय काही तरुणांनी सुद्धा बऱ्याच संतप्त प्रतिक्रिया दिलेल्या आहेत. एका यूजरने म्हटलं,''दररोज अशा घटना होत आहेत तरी योग्य ती कारवाई का केली जात नाही'' तर दुसऱ्या यूजरने म्हटलं,''खुपच धक्कादायक घटना आहे'' अशा बऱ्याच प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.