आता 1 हजार रुपयांची नोट पुन्हा चलनात येणार असल्याचा दावा करण्यात आलाय...नोट कशी आहे याचाही फोटो व्हायरल करण्यात आलाय...पण, खरंच आता ही नोट चलनात येणार आहे का...? आरबीआयने अशी घोषणा केलीय का...? ही नोट चलनात येणार असेल तर कधीपासून येणार आहे...? असे अनेक प्रश्न विचारले जातायत...त्यामुळे याची सत्यता जाणून घेणं गरजेचं आहे...त्याआधी मेसेजमध्ये काय दावा केलाय पाहुयात...

नोटबंदीवेळी बंद झालेली 1 हजाराची नोट पुन्हा चलनात येणार आहे. 1 हजाराची नोट कशी दिसते त्याचाही फोटो जारी करण्यात आलाय.

ही 1 हजार रुपयांची नोट नीट पाहा...पुन्हा एकदा 1 हजार रुपयांची नोट चलनात येणार असल्याचा दावा करण्यात आलाय... नोटेचा फोटोही व्हायरल करण्यात आलाय. ही नोट हिरव्या रंगात दिसतेय. आधीच्या हजार रुपयांच्या नोटेचा रंग वेगळा होता. आणि आता ही नव्या रंगात नोट येणार असल्याचा दावा केल्याने सर्वांनाच याची उत्सुकता आहे...पण, खरंच ही नोट आता चलनात येणार आहे का...? याची आम्ही पडताळणी सुरू केली...1 हजाराची नोट चलनात आली तर ही सर्वात मोठं चलन ठरेल...याआधी 2 हजाराची नोट चलनात होती...मात्र, ती बंद करण्यात आली...आता बंद केलेली हजाराची नोट येणार आहे का...? याबाबत आमच्या व्हायरल सत्य टीमने आरबीआयच्या साईटवर जाऊन माहिती तपासली...असं कुठेही नोटिफिकेशन आढळून आलेलं नाही...मग ही नोट कुठून आली...याची आम्ही पडताळणी केली...त्यावेळी काय सत्य समोर आलं पाहुयात...

1 हजार रुपयांची नोट चलनात येणार नाही

RBI ने 1 हजाराच्या नोटेबाबत घोषणा केलेली नाही

सोशल मीडियावरील व्हायरल फोटो खोटा

दिशाभूल करण्यासाठी एडिटेड फोटो व्हायरल

अशा खोट्या नोटांचे फोटो व्हायरल करून दिशाभूल केली जाते...मात्र, हजाराची नवी नोट येणार अशी अधिकृत घोषणा आरबीआयने केलेली नाही...त्यामुळे आमच्या पडताळणीत आता हजाराची नोट परत चलनात येणार असल्याचा दावा असत्य ठरलाय...ब्यूरो रिपोर्ट साम टीव्ही