सोशल मीडियावर रोज अनेक व्हिडिओ व्हायरल होत असतात. त्यात अनेक व्हिडिओ लग्नाचे, जुगाड केल्याचे असतात.सध्या पावसाळ्यात ट्रेनचे अनेक व्हिडिओ सोशल मीडियावर पाहायला मिळतात. गर्दीने भरलेल्या ट्रेनमध्ये प्रवाशांची चढण्याची घाई, रेल्वेतील स्टंटचे अशा अनेक व्हिडिओंचा यात समावेश असतो. असाच एक रेल्वेतील स्टंटचा व्हिडिओ सोशल मीडियावर प्रचंड व्हायरल होत आहे. या व्हिडिओत एक तरुण चक्क धावत्या ट्रेनमध्ये लटकून पाय प्लॅटफॉर्मवर ठेवून प्रवास करताना दिसत आहे.

मिळालेल्या माहितीनुसार, हा व्हिडिओ शिवडी रेल्वे स्थानकावरील आहे. या स्थानकावर एक तरुण धावत्या ट्रेनच्या खांबाला लटकून प्लॅटफॉर्मवर पाय ठेवून घसरुन प्रवास करताना दिसत आहे. त्यानंतर तो काही वेळाने हा तरुण जशी ट्रेन पुढे जाते तसा तो व्यक्ती ट्रेनमध्ये चढतो. हा स्टंट एखाद्या व्यक्तीच्या जीवावर बेतू शकतो. या स्टंटचा व्हिडिओ सोशल मीडियावर प्रचंड व्हायरल होत आहे.

हार्बर लाइनवरील शिवडी स्टेशनवर ही घटना घडली आहे. रेल्वेतून प्रवास करताना असा स्टंट करणे खूप भयंकर ठरु शकते. या व्हायरल व्हिडिओच्या आधारे पोलिसांनी तरुणावर गुन्हा दाखल केला आहे. या व्हिडिओच्या आधारे स्टंट करणाऱ्या व्यक्तीची ओळख पटवण्याची आणि अटक करण्याचे प्रयत्न पोलिस करत आहे. या स्टंटबाजीमुळे इतर प्रवाशांनेदेखील त्रास होत असल्याचे प्रवाशांचे म्हणणे आहे.

याबाबत रेल्वे अधिकाऱ्यांनी सांगितले की, अशा धोकादायक कृतींमुळे प्राणघातक अपघात होऊ शकतात. त्यामुळे अनेकांचा जीव धोक्यात येऊ शकतो. रेल्वे पोलिस सध्या या तरुणांचा शोध घेत आहेत. या तरुणावर कारवाई करण्याचे निर्देश प्रशासनाने दिले आहेत.