Papani Butani Hanala:

आमच्या पप्पांनी गणपती आणला हे गाणं सोशल मीडियावर तुफान व्हायरल झालं. या गाण्यानंतर चिमुकला साईराज देखील चर्चेत आला. त्याची प्रसिद्धी मोठ्या प्रमाणावर वाढली. अशात आता आमच्या पप्पांनी बुटानी हाणला असं गाणं व्हायरल झालं आहे. (Latets Marathi News)

सोशल मीडियावर कधी काय व्हायरल होईल याचा काही नेम नाही. गणपती बाप्पावर चिमुकल्या साईराजने केलेला रील व्हिडीओ नेटकऱ्यांना फार आवडला. नंतर आमच्या पप्पांनी बुटानी हाणला असं काहींनी म्हटलं आणि आता बुटानी हाणला हे गाणं व्हायरल झालं आहे. सोशल मीडियावर गणरायानंतर आता या गाण्याची क्रेज दिसत आहे.

तरुण मुलं, लहान मुलं तसेच सर्वच वयोगटातील व्यक्ती यावर रील व्हिडीओ बनवतायत. शक्यतो बाबांचा मार काही तरी चुका केल्यावरच खावा लागतो. सोशल मीडियावर काही तरुणांनी तसा सीन क्रियेट करत व्हिडीओ बनवला आहे.

सोलापूरमध्ये राहणाऱ्या आकाश चव्हान नावाच्या एका तरुणाने हे गाणं गायलंय. माझ्या पप्पांनी बुटानी हाणला त्याचं हे गाणं आता सोशल मीडियावर तुफान व्हायरल होतंय. @RATHOD FILMS PRODUCTION या युट्यूब अकाउंटवर त्याने हा व्हिडीओ पोस्ट केलाय.

सोशल मीडिया हे एक असं माध्यम आहे जिथे कोणतीही गोष्ट पटकन व्हायरल होते. काहीतरी ट्रेंडींग समोर आलं की नेटकरी तेच उचलून धरतात. आमच्या पप्पांनी गणपती आणला या गाण्याने तो महाराष्ट्राचा लाडका झाला. गणरायाच्या आगमनावेळी हे गाणं आल्यानंतर साईराजच्या रील व्हिडीओमुळे सगळ्यांनी यावर व्हिडीओ बनवली.

या व्हिडीओमुळे साईराजला मोठी प्रसिद्धी मिळाली. चिमुकल्याला रील स्टार म्हणून त्याला सर्वजण ओळखू लागले. या गाण्याने त्याचं नशिब उजळं. तसेच गायक आणि संगीतकार प्रवीण कोळी यांच्या आगामी 'देवबाप्पा' या गाण्यामध्ये साईराजला काम करण्याची संधी मिळाली.