Viral Video:

मेहंदी कुणाला आवडत नाही? कितीही मॉर्डन मुलगी असली तरी आपल्या लग्नात का होइना हातावर मेहंदी काढतेच. मुलींच्या सौंदर्यातील दागीण्यांपैकी मेहंदी देखील एक आहे, असं म्हटलं जातं. तुम्ही मेहंदीच्या आजवर अनेक भन्नाट डिझाईन पाहिल्या असतील. मात्र सोशल मीडियावर सध्या एक अतरंगी व्हिडीओ व्हायरल झाला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मेहंदी हातांवर आणि पायांवर काढली जाते. काही अतरंगी मुली आजकाल टॅटू म्हणून मानेवर आणि कंबरेवर देखील मेहंदी काढतात. काही दिवसांपूर्वी मेहंदी ब्लाउजचा एक व्हिडीओ व्हायरल झाला होता. त्यानंतर आता टक्कल असलेल्या एका महिलेचा व्हिडीओ समोर आला आहे. या महिलेने हात, पाय सोडून थेट आपल्या डोक्यावर मेहंदी काढली आहे.

व्हिडीओमध्ये तुम्ही पाहू शकता की, मेहंदीची सुंदर डिझाईन या महिलेने आपल्या डोक्यावर काढली आहे. मेहंदी फार थंड असते मात्र तरीही या महिलेने थंड मेहंदी आपल्या डोक्यावर लावली आहे. संपूर्ण डोक्यावर कोयऱ्या आणि सुंदर फुलांची डिझाइन मेहंदीने काढलीये. @nurulalam576 या इंस्टाग्राम अकाउंटवर हा व्हिडीओ पोस्ट करण्यात आला आहे.

बऱ्याचदा महिला आपले केस पांढरे असल्याने त्यांना रंग देण्यासाठी काळी किंवा लाल रंगाची मेहंदी लावतात. मात्र या महिलेने अशी हटके मेहंदी का लावली असेल याचं कारण समजू शकलेलं नाही. ३१ डिसेंबर रोजी हा व्हिडीओ सोशल मीडियावर पोस्ट करण्यात आलाय. नेटकऱ्यांनी यावर हस्स्यास्पद कमेंट केल्या आहेत.

देवा आता हेच पाहायचं राहिलं होतं, असं एका महिलेने कमेंटमध्ये लिहिलंय. तर आणखी एकाने कमेंटमध्ये महिलेला कॅन्सर झाल असावा आणि आनंदी राहण्यासाठी तिने असं केलं असावं असंही एकाने कमेंटमध्ये म्हटलंय.