सोशल मीडिया हा व्हायरल कंटेंटचा मंच बनला आहे, जिथे दररोज काही ना काही चर्चेत येते. लोक विविध व्हिडिओ आणि फोटो पोस्ट करतात, त्यातील काही अनोखे व्हिडिओ लक्ष वेधून घेतात. इ्न्स्टाग्राम, फेसबुक किंवा इतर कोणत्याही प्लॅटफॉर्मवर पाहिल्यास, काहीतरी नवीन आणि वेगळे व्हायरल होत असल्याचे दिसते. सात दिवस आणि चोवीस तास, काहीतरी चर्चेत असतेच.

अशा आशयाच्या व्हिडिओंनी लोकांचे लक्ष वेधून घेतले असून ते पाहणे अनुभवाने भारावून टाकणारे ठरत आहे. सोशल मीडियावर सध्या एक अनोखा आणि धक्कादायक व्हिडिओ व्हायरल होत आहे, ज्यामध्ये एका व्यक्तीच्या गळ्यात साप गुंडाळलेला दिसतो. सापाने फणा पसरलेला असून, तो व्यक्ती सापाचा फणा पकडतो.

हे पाहताच साप आपले तोंड उघडतो, आणि त्यानंतर तो व्यक्ती सापाच्या तोंडाचा वरचा भाग दातांनी पकडतो. आश्चर्य म्हणजे, त्याने सहज साप उचलला आणि नंतर त्याला खाली लटकवले. या व्हिडिओमधील धाडस आणि धक्कादायक क्षण लोकांना चकित करत आहेत. व्हिडिओ कोठे आणि केव्हा शूट करण्यात आला याबाबत अद्याप कोणतीही अधिकृत माहिती उपलब्ध नाही, परंतु सोशल मीडियावर हा व्हिडिओ मोठ्या प्रमाणावर चर्चेत आहे.

इन्स्टाग्रामवर 'memesbysukhraj' नावाच्या अकाउंटवर पोस्ट केलेला एक व्हिडिओ सध्या सोशल मीडियावर चांगलाच व्हायरल झाला आहे. बातमी लिहीपर्यंत या व्हिडिओला ७१ हजारांहून अधिक लाईक्स मिळाले असून, अनेकांनी हा व्हिडिओ पाहून प्रतिक्रिया दिल्या आहेत. एका युजरने कमेंटमध्ये लिहिले सर्पमित्रांचा इमरान हाश्मी. तर दुसऱ्या युजरने मजेशीर कमेंट करत लिहिले विषारी दात काढले असतील. आणखी एका व्यक्तीने लिहिले, हे विषारी नसतील, पण यासाठी प्रचंड धैर्य लागते. व्हिडिओमधील व्यक्तीचा धाडसपूर्ण खेळ सध्या चर्चेचा विषय ठरला आहे.