व्हायरल व्हिडिओ पाहून तुम्हालाही नक्कीच आनंद झाला असेल... कारण, भगवान विष्णूची मूर्ती सापडलीय असा दावा करण्यात आलाय.. व्हिडिओत भली मोठी मूर्ती दिसतेय.. त्यामुळे सगळ्यांनाच आश्चर्य वाटू लागलंय... खरंच एवढी मोठी विष्णूची मूर्ती सापडलीय का...?

हा व्हिडीओ प्रचंड व्हायरल होत असल्याने आम्हालाही याची उत्सुकता होती की खरंच मूर्ती सापडलीय का...? एवढी मोठी मूर्ती सापडली तर आता कुठे ठेवण्यात आलीय...? असे एक ना अनेक प्रश्न उपस्थित झाले... या प्रश्नांची उत्तरं मिळवण्यासाठी आमच्या व्हायरल सत्य टीमने पडताळणी सुरू केली... त्याआधी मेसेजमध्ये काय दावा केलाय पाहुयात...

व्हायरल मेसेज

समुद्रात खोलवर एक मूर्ती दिसत आहे. हिंदू धर्मातील भगवान विष्णूची शेषशय्येवर विराजमान असलेली मूर्ती आहे. ही मूर्ती इंडोनेशियातील बाली बेटाजवळ समुद्रात ब्रिटन, इंडोनेशिया आणि भारताच्या संयुक्त संशोधन पथकाला सापडलीय. मूर्ती 5 हजार वर्षांहून अधिक जुनी आहे.

व्हायरल मेसेजमध्ये ही मूर्ती 5 हजार वर्ष जुनी असल्याचा दावा केलाय... आणि मूर्ती इंडोनेशियातील बाली बेटाजवळ सापडलीय असं सांगितलंय... त्यामुळे आमच्या व्हायरल सत्य टीमने काही आंतरराष्ट्रीय पेपर्स पाहिले... कुठेही याबाबत बातमी सापडली नाही... त्यामुळे या व्हिडिओचा आणखी तपास केला त्यावेळी काय सत्य समोर आलं पाहुयात...

साम इन्व्हिस्टिगेशन

- भगवान विष्णूची मूर्ती समुद्रात सापडलेली नाही

- व्हायरल व्हिडिओ 11 एप्रिल 2025 रोजी पोस्ट केलाय

- AI तंत्रज्ञानाचा वापर करून व्हिडिओ बनवलाय

- दिशाभूल करण्यासाठी व्हिडिओ व्हायरल केलाय

सोशल मीडियावर व्हायरल होणाऱ्या प्रत्येक गोष्टीवर विश्वास ठेवण्यापूर्वी त्याची खातरजमा करणे गरजेचे आहे. अशा खोट्या दाव्यांपासून सावध राहा. व्हिडीओ खरा असल्याची पुष्टी झाल्याशिवाय शेअर करू नका... आमच्या पडताळणीत समुद्रात भगवान विष्णूची मूर्ती सापडल्याचा दावा असत्य ठरलाय...