महाराष्ट्र सरकारची लाडकी बहीण योजना (Ladki Bahin Yojana) चांगलीच चर्चेत आली आहे. लाडकी बहीण योजनेत महिलांना दर महिन्याला १५०० रुपये मिळतात. या योजनेतून अनेक महिलांनी स्वतः चे व्यवसाय सुरु केले आहेत. दरम्यान,आता लाडकी बहीण योजनेचा स्लोगन वापरुन एका तरुणाने व्यवसाय सुरु केला आहे. आता या तरुणाचा व्हिडिओ सोशल मीडियावर प्रचंड व्हायरल होत आहे.

सोशल मीडियावर व्हायरल होत असलेल्या या व्हिडिओत एक तरुण लाडकी बहीण योजनेचं स्लोगन वापरुन वडापाव विकत आहे.या तरुणाचा व्हिडिओ सध्या सोशल मीडियावर प्रचंड व्हायरल होत आहे.

bola_rokhthok या इन्स्टाग्राम अकाउंटवरुन हा व्हिडिओ शेअर केला आहे.या व्हिडिओत एक तरुण ट्रेनमध्ये वडापाव विकताना दिसत आहे. हा वडापाव विकताना हा तरुण 'आले रे आले १५०० रुपये आले, पुढचा हफ्ता २१०० रुपयांचा येणार, स्वतःचे पैसे खर्च करा, आणि वडा पाव घ्या',असं ओरडत होता.

लाडकी बहीण योजनेच्या माध्यमातून महिलांना आर्थिक मदत मिळते. त्यानंतर आता तरुणांनाही चांगलीच मार्केटिंग स्ट्रॅटेजी मिळाली आहे. लाडकी बहीण योजनेचा वापर करुन आता फक्त महिलाच नव्हे तर तरुणांनीही व्यवसाय सुरु केला आहे.(Viral Video)

हा व्हिडिओ सोशल मीडियावर प्रचंड व्हायरल होत आहे. या व्हिडिओवर लाईक्स अन् कमेंट्सचा वर्षाव होत आहे. आतापर्यंत लाडकी बहीण योजनेचा वापर करुन महिलांनी घरगुती उद्योग सुरु केले असल्याचे समजत होते. मात्र, आता या लाडक्या भावाने चक्क लाडकी बहीण योजनेच्या नावाखाली वडापाव विकले आहेत.