ऐकलंत. 22 हजार रुपये गुंतवा आणि महिन्याला साडे तीन लाख रुपये मिळवा, असं मोदी सांगत असल्याचा व्हिडिओ प्रचंड व्हायरल होतोय...मोदींचा हा व्हिडिओ व्हायरल होत असल्याने अनेकांनी यावर विश्वास ठेवलाय. 22 हजार गुंतवल्यावर साडे तीन लाख रुपये खरंच मिळतात का? असे अनेकजण प्रश्न विचारतायत.त्यामुळे आम्ही या व्हिडिओची पडताळणी सुरू केली.

पंतप्रधान मोदींचा 1 मिनिटांचा व्हिडिओ व्हायरल होतोय. मोदी ही स्कीम कशी आहे ते समजवून सांगत असल्याचं ऐकायला येतंय. कमी पैसे गुंतवून एवढी मोठी रक्कम कशी काय मिळू शकते? अशी कोणती सरकारची योजना आहे? याची माहिती मिळवण्यासाठी आम्ही याची पडताळणी सुरू केली. सरकारकडून याबद्दल माहिती मिळवली. त्यावेळी आमच्या पडताळणीत काय सत्य समोर आलं पाहुयात.

साम इन्व्हिस्टिगेशन

व्हायरल व्हिडिओ दिशाभूल करणारा

मोदींनी अशी कोणतीही घोषणा केलेली नाही

एआय तंत्रज्ञानाचा वापर करून व्हिडिओ बनवला

22 हजार गुंतवणून साडे तीन लाख देणं अशक्य

पैशांचं आमिष दाखवून फसवणूक करण्याचा डाव

हे प्रकरण डीपफेक्स तंत्रज्ञानाच्या गैरवापराचे एक गंभीर उदाहरण आहे.एआयचा वापर करण्यात आलाय.मोदींच्या चेहऱ्यावरील हावभाव आणि आवाज पूर्णपणे वास्तविक वाटावेत यासाठी बदलले जातात. या व्हिडिओमध्ये, जनतेची दिशाभूल करण्यासाठी आणि आर्थिक नुकसान पोहोचवण्यासाठी पंतप्रधानांचा आवाज एआय वापरून बदलण्यात आला.तंत्रज्ञानाचा गैरवापर करून असे व्हिडिओ बनवले जातात. त्यामुळे तुम्ही अशा व्हिडिओवर विश्वास ठेवू नका.आमच्या पडताळणीत 22 हजार गुंतवल्यावर दरमहा साडे तीन लाख मिळणार असल्याचा दावा असत्य ठरलाय.