जेवणानंतर पान खाण्याचे अनेकजण शौकिन असतात. त्यामुळे तोंडाची चव वाढते. पानपट्टीवाल्याकडे कलकत्ता पान, मघई पान, बनारस पान असे पानाचे अनेक प्रकार पाहायला मिळतात. अलिकडे स्मोकी पानाची खूपच चलती आहे. लग्नकार्यापासून ते पार्टीपर्यंत लहानांपासून मोठ्यांपर्यंत सारेच जण स्मोकी पान आवडीनं खातात.

पानातून निघणारा धूर पाहिल्यानंतर हे पान खाण्याचा मोह कुणालाच आवरत नाही. मात्र हेच स्मोकी पान तुमच्या जिवावर उठू शकतं. स्मोकी पान खाल्ल्यानं एका 12 वर्षांच्या मुलीच्या आतड्याला छिद्र पडल्याचा मेसेज सोशल मीडियात व्हायरल होतोय. या मेसेजमध्ये नेमकं काय म्हंटलंय, हे जाणून घेऊ...

व्हायरल मेसेज

बंगळुरूत एका 12 वर्षांच्या मुलीनं स्मोकी पान खाल्लं आणि तिच्या आतड्याला होल पडलं. या मुलीवर तातडीने उपचार करण्यात आले. त्यामुळे तिचा जीव वाचला. अनेकजण स्मोकी पानाचे चाहते आहेत. लहान मुलं, महिलाही हे पान आवडीनं खातात. त्यामुळे व्हायरल मेसेजमध्ये करण्यात आलेला दावा खरा आहे का? साम टीव्हीनं याची पडताळणी केली.

व्हायरल इन्व्हेस्टिगेशन

स्मोकी पानात सुपारी, कात, गुलकंद, गोड चटणी, वेलची असे पदार्थ असतात. याशिवाय त्यातून धूर येण्यासाठी लिक्विड नायट्रोजन मिसळलं जातं. नायट्रोजन लिक्विड आरोग्यासाठी हानीकारक आहे. त्यामुळे आतड्याला होल पडू शकतो, तोंडाचे विकार होऊ शकतात. तुमचं जठर खराब होऊ शकतं.

फायनल व्हीओ - त्यामुळे आमच्या पडताळणीत स्मोकी पान खाल्ल्यानं आतड्याला छिद्र पडत असल्याचा दावा सत्य ठरलाय. मजा म्हणून तुम्ही स्मोकी पान खाता. मात्र त्यातील पदार्थ आरोग्यासाठी घातक आहेत. त्यामुले तुमचा जीवही जाऊ शकतो.