आज संपूर्ण देशभरात स्वांतत्र्यदिनाचा उत्साह पाहायला मिळतो आहे. देशाप्रती प्रेम व्यक्त करताना प्रत्येकजण आनंदात दिसतोय. सोशल मीडियावर अनेकांनी स्वातंत्र्यदिनाच्या शुभेच्छा व्हिडीओ पोस्ट केल्यात. अशातच स्वातंत्र्यदिनानिमित्त एका मुलाने शेअर केलेला व्हिडीओ लक्ष वेधून घेत आहे.

देशात अशी काही माणसे आहेत जी त्यांच्या कलागुणांनी ओळखली जातात. माणूस हा आनंदाच्या भरात काय करेल याचा कोणीही अंदाज लावू शकत नाही. सध्या सोशल मीडियावर असाच एक व्हिडीओ तुफान व्हायरल होत आहे. जो पाहून तुम्हालाही आश्चर्याचा धक्का बसेल.

व्हिडिओमध्ये एक मुलगा हातात तिंरगा घेऊन डान्स करतो आहे. मात्र या मुलाचा डान्स धडकी भरवणारा आहे. यामागचं कारण ही तसंच आहे. या मुलाने स्वातंत्र्यदिनानिमित्त हातात तिरंगा आणि डोक्यावर दोन गॅस उचलून डान्स केला आहे.

या व्हायरल व्हिडिओमध्ये हा मुलगा बिनधास्तपणे दोन गॅसचे सिलिंडर डोक्यावर उचलून हातात तिरंगा घेऊन डान्स करत आहे. इतकंच नाही तर काचेच्या ग्लासवर हा मुलगा हे सिलिंडर बॅलेन्स करताना दिसतोय.

@praveen_prajapat1 नावाच्या इन्स्टाग्राम अकाऊंटवरून हा व्हिडीओ शेअर करण्यात आला आहे. सोशल मीडियावर काही वेळातच या व्हिडीओने धुमाकूळ घातला आहे. व्हिडीओवर अनेक कमेंट्स येत असून लाखो लाईक्स आले आहेत.