Hyderabad Accident Viral Video:

हैदराबादमध्ये एक कार आणि बाईकचा भीषण अपघात झाला आहे. या घटनेत एकाचा मृत्यू झाला आहे. बुधवारी पहाटेच्या सुमारास जुबली हिल्ल येथे ही घटना घडली आहे. याचा व्हिडिओ सीसीटीव्ही कॅमेरात कैद झाला आहे.

माधापूर येथील नोव्होटेल हॉटेलमध्ये बाऊन्सर म्हणून काम करणाऱ्या तारक राम यांच्या बाईकचा अपघात झाला आहे. यात त्याचा दुर्दैवी मृत्यू झाला आहे. तो त्याचा मित्र राजूसोबत बाईकवरुन जात होता. तेव्हा मागून अचानक एक कार भरधाव वेगात येते आणि बाईकला धडक देते. ही धडक इतरी जोरदार होती की या अपघातात तारक रामचा दुर्दैवी मृत्यू झाला आहे. (Latest News)

या अपघाताची संपूर्ण घटना सीसीटीव्ही कॅमेरात कैद झाली आहे. यात पहाटे पाच वाजता रस्त्यावरुन भरधाव वेगाने वाहने जात आहे. रस्त्यावर लोकांची जास्त वर्दळ नसल्याने वाहने खूप जास्त वेगाने जाताना दिसत आहे. यात रस्त्यावरुन एका बाईकवरुन दोघेजण जात होते. त्यावेळी मागून भरधाव वेगात कार येते आणि बाईकला धडक देते. या धडकेत तारक राम २० फूटापर्यंत लांब फेकला गेला. यात त्याचा दुर्दैवी मृत्यू झाला. ही संपूर्ण प्रकार सीसीटीव्ही कॅमेरात कैद झाला आहे.

मिळालेल्या माहितीनुसार, अपघातात तारक रामच्या डोक्याला मार लागला. त्यामुळे त्याचा मृत्यू झाला. त्याचे २ वर्षांपूर्वी लग्न झाले होते. त्याला ११ महिन्यांचे बाळ आहे. जुब्ली हिल्स पोलिसांना कारचालकावर हिट अँड रनचा गुन्हा दाखल केला. सीसीटीव्ही च्या माध्यमातून पोलिस या घटनेचा तपास करत आहेत. कारचालकाला अटक करण्यात यश आले नाही आहे.