Uttarakhand Viral Video: अनेकदा सांगूनही काही लोक पाण्याशी असलेल्या धोक्याला गांभीर्याने घेत नाहीत आणि त्याचे परिणाम किती भयंकर होऊ शकतात, याचे प्रत्यंतर पुन्हा एकदा सर्वांना पाहायला मिळाले. उत्तर भारतातील एका प्रसिद्ध घाटावर गंगेत आंघोळ करण्यासाठी गेलेल्या काही तरुणांमध्ये एकाने आपला जीव गमावला. धक्कादायक बाब म्हणजे, तरुणाचा मित्र त्याच्या मृत्यूचा थरारक व्हिडिओ मोबाईलमध्ये शूट करत होता.

ही घटना सोशल मिडियावर मोठ्या प्रमाणात व्हायरल(Viral) झाली असून, व्हायरल होत असलेल्या व्हिडिओत दिसते की, तरुण मित्रांसह फिरायला गेला आहे. दरम्यान त्याला पाण्यात आंघोळीसाठी जाण्याची इच्छा होते. त्यानंतर तो पाण्यात आंघोळीसाठी उतरतो पण पाण्याचा अंदाज न खाल्यानेत तो खोल पाण्यात गेला आणि बुडू लागला.

या घटनेनंतर सोशल मिडियावर लोकांच्या संतप्त प्रतिक्रिया उमटत आहेत. ''सध्या प्रत्येकजण सोशल मीडियाच्या नादात पागल झालेला आहे'' असे एका यूजरने म्हटलं आहे तर दुसऱ्या यूजरने म्हटलं की,''माणसाच्या जीवापेक्षा सोशल मीडियावरील व्हिडिओ महत्त्वाचे आहे'' असा संतापजनक प्रतिक्रिया आलेल्या आहे.

हा व्हिडिओ(Video) हरिव्दारमधील असल्याचे समोर आले आहे आणि सोशल मीडिया प्लॅटफॉर्मवरील इन्स्टाग्राम, एक्स, फेसबूक अशा अनेक प्रसिद्ध माध्यमांवर अपलोड करण्यात आलेला आहे. सोशल माध्यमांवर याआधीही असे अनेक व्हिडिओ व्हायरल झालेले आहेत,ज्यात सध्याच्या तरुणानी सोशल मीडियावर धोकादायक स्टंट करतात.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.