वाहतूक कोंडी ही आजकाल सर्वत्र मोठी समस्या बनली आहे. तासनतास वाहतूक कोंडीतून अनेकजण प्रवास करतात. पावसाळ्याच्या दिवसात वाहतूक कोंडी होण्याचे प्रमाण अधिक असते. अशातच पंजाबच्या गुरूग्राम येथे मुसळधार पावसात मोठी वाहतूक कोंडी झाली. या वाहतूक कोंडीतून मार्ग काढण्यासाठी दोन तरूणांनी भन्नाट शक्कल लढवली आहे. ज्याचा व्हिडीओ सध्या सोशल मीडियावर व्हायरल होत आहे.

पंजाबमध्ये मागील काही दिवसापासून पावसाने जोर धरला आहे. यामुळे जागोजागी पाणी साचलं आहे. रस्त्यावर वाहतूक कोंडी झाली आहे. प्रचंड गर्दी असलेल्या ठिकाणी दोन तरूणांनी बाईक डोक्यावर घेऊन वाहतूक कोंडीतून बाहेर पडण्याचा मार्ग काढला आहे. या व्हायरल होत असलेल्या व्हिडीओमध्ये तुम्ही पाहू शकता, वाहतूक कोंडीतून मार्ग काढण्यासाठी या दोन तरूणांनी बाईक डोक्यावर उचलली आहे. बाईक डोक्यावर घेऊन हे तरूण चालताना दिसत आहेत.

सोशल मिडिया इन्स्टाग्राम अकाउंट @gurgaon_locals यांनी हा व्हिडीओ शेअर केला आहे. या व्हिडीओला नेटकऱ्यांनी पसंती दिली आहे. या व्हिडिओवर नेटकऱ्यांच्या प्रतिक्रिया उमटत आहेत. एका युजरने, "रोज स्कूटी मुझे ले आती हैं आज में स्कूटी को ट्रॅफिक मै फसने नही दूंगा आज में स्कूटी ले जाऊंगा तो वो मुझे ले जाती हे घर, असं म्हटलं आहे.