Pune News: सबसे कातील गौतमी पाटील तिच्या नृत्यानंतर अनेक कारणांनी चर्चेत आली. आपल्या नृत्याने आणि आडनावाने चर्चेत आलेली गौतमी तिच्या मैत्रीमुळे देखील चर्चेत आली होती. प्रसिद्ध लावणी नृत्यांगना माधुरी पवारने काही दिवसांपूर्वी गौतमीवर कमेंट केली होती. त्यावरुन या दोघींमध्ये शाब्दीक वार पलटवार दिसले. मात्र आता गौतमी आणि माधुरी या दोघींमध्ये मैत्री झाली आहे. (Latest Marathi News)

गौतमी पाटील आणि माधुरी पवार यांच्यातल्या वादावर अखेर पडदा पडलाय. पुण्यातील एका कार्यक्रमात दोघींनी एकमेकींना फ्रेन्डशिप बँड बांधले आहे. या दोघींमधील वाद मिटावा आणि त्या एकत्र याव्यात यासाठी अभिनेता सुभाष यादवनं प्रयत्न केलेत.

गौतमी पाटीलच्या अभिनयावर आणि नृत्यावर माधुरी पवारनं टीका केली होती. मात्र आता दोघीही आपला वाद विसरून एकत्र आल्यात. दोघींच्या मनोमिलनामुळे सांस्कृतिक क्षेत्रात विविध चर्चा रंगवल्या जातायेत.

"एक लोककलावंत म्हणजे काय? लोककला शिकावी लागते. ती जे करते ती खरंच लोककला आहे का?", अशा शब्दांत काही दिवसांपूर्वी माधुरीने गौतमीवर टीकास्त्र सोडलं होतं. यावेळी गौतमीनेही माधुरीला तोडीसतोड उत्तर दिलं. अखेर आता त्यांच्यातील वाद थांबला असून दोघींनीही मैत्री केलीये.