केंद्र सरकार आता गरिबांना 46 हजारांची मदत करणार आहे असा दावा केल्याने सगळ्यांनाच उत्सुकता लागलीय की हे पैसे मिळणार कसे...? गरिबांसाठी आर्थिक मदत म्हणून अर्थ मंत्रालय मदत देत असल्याचा दावा करण्यात आलाय...हा मेसेज वाऱ्याच्या वेगाने व्हायरल होतोय...कारण, सरकार हे गरिबांना पैसे देत असल्याने अनेकांना प्रश्न पडलाय की पैसे कसे मिळवायचे...? त्यामुळे आम्ही या दाव्याची सत्यता जाणून घेण्यासाठी पडताळणी सुरू केली...त्याआधी मेसेजमध्ये काय दावा केलाय पाहुयात...

व्हायरल मेसेजमध्ये म्हटलंय की, अर्थ मंत्रालय गरिबांना 46,715 रुपयांची आर्थिक मदत देत आहे. आर्थिक संकटात अडकलेल्यांना सरकार मदत करणाराय'. हा मेसेज व्हायरल होत असल्याने आम्ही या दाव्याची पडताळणी सुरू केली...यामेसेजसोबत लिंकही देण्यात आलीय...त्यामुळे याबाबत अधिक माहिती मिळवण्यासाठी अधिकाऱ्यांशी संपर्क साधला...खरंच सरकारची अशी कोणती योजना आहे का...? मेसेजसोबतच्या लिंकवर माहिती भरल्यावर पैसे मिळणार का...? याची माहिती घेतली...त्यावेळी आम्हाला PIB कडूनही माहिती मिळाली...त्यावेळी काय सत्य समोर आलं पाहुयात...

अर्थ मंत्रालयाने कोणतीही योजना जाहीर केलेली नाही

सरकारच्या नावाने व्हायरल होत असलेला मेसेज खोटा

मेसेजसोबतच्या लिंकवर क्लिक करू नका

पैशांचं आमिष दाखवून फसवणुकीचा डाव

दिशाभूल करणाऱ्या माहितीपासून सावध राहा

पैसे देण्याचं आमिष दाखवून जाळ्यात ओढलं जातं...त्यामुळे तुम्हाला असे मेसेज आले तर कोणत्याही लिंकवर जाऊन माहिती भरू नका...तुमची फसवणूक होऊ शकते...आमच्या पडताळणीत सरकार गरिबांना 46 हजार रुपयांची आर्थिक मदत देणार असल्याचा दावा असत्य ठरलाय...